جاڭالىقتار
كوكشەتاۋعا ەلوردادان گۋمانيتارلىق كومەك جەتتى
كوكشەتاۋدا سۋ تاسقىنىنان زارداپ شەككەن تۇرعىندارعا ەلوردادان گۋمانيتارلىق كومەك جەتتى
ەكى كولىككە تيەلگەن ازىق-ت ۇلىك پەن كيىم-كەشەكتەر بىردەن مۇقتاج وتباسىلارعا تاراتىلدى. قالادا 60-تان استام ادامنىڭ باسپاناسى سۋ استىندا قالعان. قازىرگى تاڭدا 20-عا جۋىق ءۇيدىڭ تۇرعىندارى ەۆاكۋاتسيالىق پۋنكتى پانالاپ وتىر. كومەك قولىن سوزعان قازاقستان حالقى اسسامبلەياسىنىڭ مۇشەلەرى مەن سەنات دەپۋتاتتارى زارداپ شەككەن تۇرعىندارمەن كەزدەستى. الىشەر ساتىبالديەۆ, قر پارلامەنتى سەناتىنىڭ دەپۋتاتى: — بۇگىنگى تاڭدا 20 وڭىردە 43 جىلۋ جيناۋ شتابتارى ۇيىمداستىرىلعان. رەسپۋبليكالىق شتاب جۇمىسىن اتقارىپ جاتىر. ءبىز وسى ءساتتى پايدالانا وتىرىپ, ەلىمىزدىڭ بارلىق كاسىپكەرلەرى مەن وتانداستارىمىزدى وسى كوشتى قولداپ, جۇرەكتەن جەتكەن جىلۋدى وسى قيىن كەزەڭگە تاپ بولعان ازاماتتارعا جەتكىزۋدى سۇرايمىز.
