جاڭالىقتار
كوكشەتاۋلىق شەنەۋنىك پەن 9 جۇرگىزۋشى مۇناي ونىمدەرىمەن اينالىسقان زاڭسىز سحەما ۇيىمداستىرعان
فوتو: pixabay
كوكشەتاۋ قالالىق سوتى اقمولا وبلىسى بويىنشا كولىكتىك باقىلاۋ ينسپەكتسياسىنداعى سىبايلاس جەمقورلىققا قاتىستى قىلمىستىق ءىس بويىنشا ۇكىم شىعاردى, دەپ حابارلايدى qandastar.kz
سوت الدىندا بۇرىنعى ينسپەكتسيا ءبولىمىنىڭ باسشىسى, دەلدال جانە توعىز جۇرگىزۋشى بولدى. تەرگەۋ بارىسىندا لاۋازىمدى تۇلعانىڭ دەلدال ارقىلى ءتيىستى رۇقسات قۇجاتتارى جوق, سونداي-اق قاۋىپسىزدىك تالاپتارىن ورەسكەل بۇزا وتىرىپ مۇناي ونىمدەرىن تاسىمالداۋعا جالپى قامقورلىق كورسەتكەنى ءۇشىن جۇيەلى تۇردە پارا العانى انىقتالدى.
Dalanews.kz جازعانداي, سوت بارلىق فيگۋرانتتاردى پارا الۋ جانە بەرۋ دەرەگى بويىنشا كىنالى دەپ تانىدى. كولىك پروكۋرورىنىڭ ءوتىنىشحاتىن قاناعاتتاندىرىپ, سوت كولىكتىك ينسپەكتسياداعى سىبايلاس جەمقورلىققا جول بەرمەۋ ماقساتىندا قازاقستان رەسپۋبليكاسى كولىك مينيسترلىگىنىڭ اتىنا جەكە ۇيعارىم شىعاردى.
سوت پروتسەسى ينسپەكتسيا قىزمەتكەرلەرىنىڭ قاتىسۋىمەن اشىق تۇردە ءوتتى.
