قوقىس شىعارۋ ءتاريفى ەكى ەسە قىمباتتايدى

فوتو: اشىق دەرەككوز

ەلوردادا قوقىس شىعارۋ ءتاريفى ەكى ەسە قىمباتتايدى, دەپ جازدى qandastar.kz

قولدانىستاعى تاريف 2019 جىلى بەكىتىلگەن. قالالىق ءماسليحات اباتتاندىرىلعان سەكتوردىڭ ءبىر تۇرعىنى ءۇشىن ءتاريفتى 637 تەڭگە, ال اباتتاندىرىلماعان سەكتوردىڭ تۇرعىندارى ءۇشىن 679 تەڭگە بولىپ بەكىتتى. حالىقتىڭ الەۋمەتتىك وسال توپتارىنىڭ ساناتى ءۇشىن جەڭىلدىكتەر ەسكەرىلگەن.

«قازىرگى تاريف ءبىر ادامعا ايىنا – 390 تەڭگە. الماتىداعى تاريف مولشەرى – 718 تەڭگە. ەلىمىزدەگى 300 مىڭعا جۋىق تۇرعىنى بار التى شاعىن قالاداعى تاريف 400-500 تەڭگەگە دەيىن جەتتى», — دەدى قورشاعان ورتانى قورعاۋ جانە تابيعاتتى پايدالانۋ باسقارماسىنىڭ باسشىسى داۋلەت دوسقۇلوۆ. 

سوڭعى بەس جىلدا قالدىقتاردى شىعارۋ شىعىندارى 103%-عا وسكەن.