كول قۇرىلىس قالدىعىمەن كومىلىپ, تۇرعىندار دابىل قاعۋدا: استانا اكىمدىگى نەگە ءۇنسىز?

ناجيمەدەنوۆ كوشەسى, 64 مەكەنجايى ماڭىنداعى تۇرعىندار ەكولوگيالىق ماسەلە جونىندە دابىل قاعۋدا. ولاردىڭ ايتۋىنشا, بۇل اۋدانداعى شاعىن كول مەن بىرنەشە توعان قۇرىلىس جانە تۇرمىستىق قالدىقتارمەن كومىلىپ جاتىر, دەپ حابارلايدى Skifnews.kz اقپارات پورتالى.

«ناجيمەدەنوۆ كوشەسى, 64 مەكەنجايىنداعى شاعىن كولدى كومىپ جاتىر. بۇل اۋماقتا بىرنەشە كىشىگىرىم كولدەر مەن توعاندار بار ەدى – ءبارىن قۇرىلىس جانە تۇرمىستىق قالدىقتارمەن كومىپ جاتىر», – دەلىنگەن تۇرعىنداردىڭ حابارلاماسىندا.

تۇرعىنداردىڭ ايتۋىنشا, ءدال وسى اۋماق پرەزيدەنتتىڭ تاپسىرماسىمەن جوسپارلانعان «مىڭجىلدىق اللەياسى» جوباسىنا ەنۋى ءتيىس بولعان. الايدا ءتيىستى مەملەكەتتىك ورگاندار بۇل جاعدايعا كوز جۇما قاراپ وتىر.

«اكىمدىك تە, سانيتارلىق-ەپيدەميولوگيالىق قىزمەت تە ارەكەت ەتپەي وتىر. مەملەكەت تاراپىنان تولىق نەمقۇرايدىلىق بايقالادى», – دەيدى جەرگىلىكتى حالىق.

الاڭداۋلى تۇرعىندار تابيعي ورتانى ساقتاپ قالۋ ءۇشىن شۇعىل شارالار قابىلداۋدى جانە جاۋاپتى ورگانداردىڭ ارالاسۋىن تالاپ ەتەدى.