“قولداۋ كورسەتۋلەرىڭىزدى سۇرايمىن”: فۋتبولدان قازاقستان قۇراماسىنىڭ باپكەرى چەرچەسوۆ ءوزىنىڭ قازاق ءتىلىن ۇيرەنۋدى باستاعانىن مالىمدەدى

فوتو: اشىق دەرەككوز

فۋتبولدان قازاقستان قۇراماسىنىڭ باپكەرى ستانيسلاۆ چەرچەسوۆ ءوزىنىڭ قازاق ءتىلىن ۇيرەنۋدى باستاعانىن مالىمدەدى. بۇل تۋرالى Stan.kz اقپارات اگەنتتىگى حابارلايدى.

ءباسپاسوز ءماسليحاتىندا وزىنە قازاق تىلىندە سۇراققا قويىلعانىنا شاعىمدانعان فۋتبولدان قازاقستان ششۇراماسىنىڭ باپكەرى جەلىدە جازبا جاريالاپ, قازاق ءتىلىن ۇيرەنۋدى باستاعانىن مالىمدەدى.

«ارمىسىزدار! دوستار, مەن قازاقستان سەكىلدى ادەمى ءارى قوناقجاي ەلدە بولعانىما قۋانىشتىمىن. ءبىزدى الدا كوپ جۇمىس كۇتىپ تۇر, وسى قيىن جولدا بىزگە تۇسىنىستىكپەن قاراپ, قولداۋ كورسەتۋلەرىڭىزدى سۇرايمىن. ءبىز كۇشىمىزدى بىرىكتىرۋ ارقىلى عانا ۇلكەن ناتيجەلەرگە قول جەتكىزە الامىز. بۇگىننەن باستاپ قارىم-قاتىناسىمىز بەن تۇسىنىسۋىمىزدە ماڭىزدى ءرول اتقاراتىن قازاق ءتىلىن ۇيرەنە باستادىم. بۇگىن مەن ءبىرىنشى ساباعىمدى وتكىزدىم. قازاق ءتىلىن مەڭگەرك ماعان تەزىرەك ۇيرەنىپ, ەلىڭىزدىڭ مادەنيەتى مەن ءداستۇرىن جاقسىراق تۇسىنۋگە كومەكتەسەتىنىنە سەنىمدىمىن. راحمەت” – دەپ جازدى باپكەر.

ەسكە سالساق, فۋتبولدان قازاقستان قۇراماسىنىڭ باپكەرى ستانيسلاۆ چەرچەسوۆ ءباسپاسوز ءماسليحاتىندا وزىنە قازاق تىلىندە سۇراققا قويىلعانىنا شاعىمداندى.

جۋرناليستەردىڭ ءبىرى باپكەرگە قازاق تىلىندە سۇراق قويعان. ال باپكەر ونىڭ سۇراعىن تۇسىنبەيتىنىن ايتىپ اۋدارماشىنىڭ كومەگىنە جۇگىنىپتى.