“قولدى-اياققا تۇرماي كەتتى. ءوزى جۇمىس ىستەپ كورسىن”. “قويشى بالانىڭ” پروديۋسەرى كۇتپەگەن مالىمدەمە جاسادى

ەل اراسىندا «قويشى بالا» رەتىندە تانىمال بولعان ءانشى ايدوس كادەننىڭ ەكىنشى پروديۋسەرى قاناعات مەچەنباي مالىمدەمە جاساپ, ونەر يەسىمەن جۇمىسىن توقتاتقانىن ايتتى, دەپ جازادى Qandastar.kz

«قۇرمەتتى, قازاق ەلى! «قويشى بالامەن نە بولدى?» دەپ سۇراپ جاتقاندارعا ايتارىم بار. ايدوس ەندى ءوز ەركىمەن جۇمىس ىستەسىن. قولدى-اياققا تۇرماي كەتتى. قانشاما تاپسىرىستارىمىزعا ۇلگەرمەي قالعان جاعدايلار بولدى. ەندى ءوزى جۇمىس ىستەپ كورسىن. مەن ايدوستى جىبەرەيىن دەپ تۇرمىن. «قويشى بالانىڭ» پروديۋسەرى ەمەسپىن. ەڭ باستىسى جولى بولسىن, ادام بولسىن جانە ادال بولسىن! مەنىڭ دە جەكە شىعارماشىلىق جولىم بار. وسىنداي شەشىم قابىلدادىم», – دەدى قاناعات مەچەنباي.