جاڭالىقتار
«كولىگى جوق ادام 10 جىلداپ سالىق تولەپ كەلەدى»
قوعام بەلسەندىسى باقىتجان كوپباەۆ سالىق كودەكسىن جاساقتاعان اۆتورلاردان كولىك سالىعى نەگە الىنىپ تاستالماعانىن سۇراپ, نارازىلىعىن ءبىلدىردى,-دەپ حابارلايدى Qandastar.kz
«مىسالى كەدەي ادام كولىگىن جوندەيمىن دەيدى دە, اقىرى كولىگى جوق بوپ كەتەدى. شاشىلىپ كەتەدى. تىزىمنەن شىعارايىن دەسە, ماشينانى قايتا جيناۋ كەرەك. ءسويتىپ, 10 جىلداپ جوق كولىككە سالىق تولەپ كەلە جاتىر», – دەدى كوپباەۆ.
قارجى ۆيتسە-ءمينيسترى ەرجان ءبىرجانوۆ كولىك سالىعىنا قاتىستى وزگەرىس بولاتىنىن, سونىڭ ارقاسىندا ەسكى كولىك يەلەرىنە جەڭىلدىك كوزدەلگەنىن ايتتى.
«كولىك سالىعى بويىنشا سالىق مولشەرلەمەلەر قايتا قارالاتىن بولادى. ءوزىڭىز ايتقانداي 10 جىلدان اسقان كولىك بولسا, وعان 30 پايىزدىق شەگەرىم بولادى. ەگەر اۆتوكولىكتىڭ پايدالانۋ مەرزىمى 20 جىلدان اسسا, 50 پايىزى شەگەرىلەدى. ەسكى كولىك يەلەرىنە سونداي جەڭىلدىك كوزدەلگەن. ەگەر بۇل اۆتوكولىك تىركەۋدە بولماسا نەمەسە جوعالىپ كەتتى دەگەن انىقتاما بولسا, وندا سالىق بازاسىنان الىپ تاستايمىز», – دەدى ۆيتسە-مينيستر.
