«Kóligi joq adam 10 jyldap salyq tólep keledi»

Qoǵam belsendisi Baqytjan Kópbaev salyq kodeksin jasaqtaǵan avtorlardan kólik salyǵy nege alynyp tastalmaǵanyn surap, narazylyǵyn bildirdi,-dep habarlaıdy Qandastar.kz

«Mysaly kedeı adam kóligin jóndeımin deıdi de, aqyry kóligi joq bop ketedi. Shashylyp ketedi. Tizimnen shyǵaraıyn dese, mashınany qaıta jınaý kerek. Sóıtip, 10 jyldap joq kólikke salyq tólep kele jatyr», – dedi Kópbaev. 

Qarjy vıe-mınıstri Erjan Birjanov kólik salyǵyna qatysty ózgeris bolatynyn, sonyń arqasynda eski kólik ıelerine jeńildik kózdelgenin aıtty. 

«Kólik salyǵy boıynsha salyq mólsherlemeler qaıta qaralatyn bolady. О́zińiz aıtqandaı 10 jyldan asqan kólik bolsa, oǵan 30 paıyzdyq shegerim bolady. Eger avtokóliktiń paıdalaný merzimi 20 jyldan assa, 50 paıyzy shegeriledi. Eski kólik ıelerine sondaı jeńildik kózdelgen. Eger bul avtokólik tirkeýde bolmasa nemese joǵalyp ketti degen anyqtama bolsa, onda salyq bazasynan alyp tastaımyz», – dedi vıe-mınıstr.