«Kólik te, aqsha da joq»: Qyzylordada otyzǵa jýyq adamdy avtosalon aldap ketken

Foto: sıýjet kadrlarynan

Qyzylordada kólikterin avtosalonǵa satqan otyzǵa jýyq adam kompanııanyń aldap ketkenin aıtyp bas kóterdi. Sózderinshe avtosalonnyń ıeleri «kólikti qymbat baǵaǵa alamyz, 14 kúnnen keıin aqshasy túsedi» dep kelisimshart jasasqan. Alaıda keıin kólik te, aqsha da joq eken. Bul týraly Stan.kz aqparat agenttigi 31 arnanyń «Informbıýro» jańalyqtar baǵdarlamasyna silteme jasap habarlaıdy.

Bul azamattar avtosalonynyń basshylary bizdi aldap ketti dep ashýly. Aıtýlarynsha, aldymen olar kólikterin tanymal saıt arqyly saýdaǵa shyǵarǵan. Keıin kompanııa qyzmetkerleri habarlasyp, jarnamadaǵy temir tulpardy qymbat baǵamen alamyz dep shaqyrǵan. Onyń ústine kóliktiń aqysy 14 kúnnen keıin tólenedi degen kelisimshart jasasqan.

«Endi eki apta bitip, arasynda bir kelip kórip ketkem. Sol kezde kólik turǵan. Endi qaıtyp 14 kúnnen keıin kelse kólik te joq, aqsha da joq. Satylyp ketken. Mynadaı adamǵa qalaı lıenzııa berip otyr kólik satýǵa. Alaıaqtyq mynaý taza», – dedi Qyzylorda qalasynyń turǵyny Jalmurzaev Almadýlla.

Turǵyndar avtosalonǵa ákelip ótkizgen kólikterimiz basqa azamattarǵa satylyp ketken dep qynjylady. Kazir 30-ǵa jýyq adam ne kóligin, ne aqshasyn ala almaı júr.

«Barlyǵy 30-ǵa jýyq kólik bar shyǵar. Ol meniń biletinim. Endi mine jaýyp ketken. Eshkim tappaıdy. Ne zań qyzmetkeri tappaıdy, ne ózimiz izdep taba almaı júrmiz», – dedi Qyzylorda qalasynyń turǵyny Qaırolla Tabikábilov.

Kóliktiń aqysyn áne-mine tóleımiz dep sendirip kelgen kompanııa basshylary bir aptadan beri izim-qaıym joǵalǵan. Uıaly telefondary sóndirýli, al salonnyń esigine qulyp salynǵan eken. San soqqan kópshilik quzyrly organdarǵa aryzdanýǵa májbúr bolypty. Polıııa alaıaqtyq babymen tergeýdi bastaǵan.

«Atalǵan derek boıynsha polıııa basqarmasymen 190-baby 3-bóligine sáıkes qylmystyq is tirkelip, qazirgi tańda tergep-tekserý amaldary júrgizilýde. Atalǵan qylmystyq is basqarma bastyǵynyń qatań baqylaýynda», – dedi Qyzylorda qalalyq polıııa basqarmasy bólim basshysynyń orynbasary Talant Qazbek.