الەم جاڭالىقتارىجاڭالىقتار
كولىكتەردىڭ «كولەڭكەلى» سحەماسى قازاقستاندى ت71 ملرد شىعىنعا ۇشىراتتى
فوتو: اشىق دەرەككوز
جوعارى اۋديتورلىق پالاتا اۆتوموبيلدەردىڭ كولەڭكەلى يمپورتىنان بيۋدجەتكە ەداۋىر شىعىن كەلگەنىن حابارلادى. شىعىن كولەمى – شامامەن ت71 ملرد, دەپ جازادى qandastar.kz kaztag.kz-كە سىلتەمە جاساپ.
«2021-2023 جىلدارى جەكە تۇلعالاردىڭ تاۋارلارعا دەكلاراتسيا بويىنشا رەسىمدەلگەن تاۋارلار يمپورتى 6,5 ەسە ءوستى. سونىمەن قاتار بۇل يمپورتتىڭ 94% – ى – ت1,4 ترلن سوماعا شاقتالعان كولىكتەر.
كورسەتىلگەن كولىكتەردىڭ بەستەن ءبىر بولىگى (21%) كوممەرتسيالىق بولىپ تابىلادى: اۆتوبۋستار, جۇك جانە ارنايى تەحنيكا. اۋديت كوممەرتسيالىق كولىكتى اكەلگەن 3076 جەكە تۇلعانىڭ (تالداۋعا ۇشىراعاندار سانىنىڭ 61%) دارا كاسىپكەر رەتىندە تىركەلمەگەنىن انىقتادى, سايكەسىنشە وسى سالعىرتتىق سالىق تۇسىمدەرىنەن ايىرىپ وتىر.
بۇدان باسقا, كەدەندىك دەكلاراتسيا بويىنشا ەمەس, تاۋارعا ارنالعان دەكلاراتسيالار بويىنشا جۇزەگە اسىرىلاتىن جەڭىل اۆتوموبيلدەر مەن جەكە پايدالانۋعا ارنالعان كولىك قۇرالدارىنىڭ وزگە دە ساناتتارىن ەلگە اكەلۋ ولقىلىققا اكەلىپ وتىر», – دەلىنگەن جاپ-تىڭ پرەمەر-مينيستر ولجاس بەكتەنوۆكە بەرگەن ەسەبىندە.
قازتاگ بۇعان دەيىن باس پروكۋرور بەرىك اسىلوۆتىڭ اتىنا ءوتىنىش جازىپ, ءمان-جايدى انىقتاۋعا بەل بۋعانىن بىلدىك. كولەڭكەلى ەكونوميكامەن كۇرەسۋ جانە شەكارانى رەتكە كەلتىرۋ فۋنكتسيالارىن قازىر ۇلتتىق ەكونوميكانىڭ ۆيتسە-پرەمەر – ءمينيسترى سەرىك جۇمانعارين باسقارادى, سوندىقتان رەداكتسيا ۇكىمەتتىڭ ءباسپاسوز قىزمەتىنە جۇمانعاريننىڭ اتىنا سۇراۋ سالىپ, جاپ ەسەبىنە تۇسىنىكتەمە بەرۋدى سۇراتقانىن دا ايتۋ قاجەت.
تاعى ءبىر ەسكەرەر تۇس, جۇمانعاريننىڭ تاعايىندالۋى دەلدالداردى جويۋ جانە سالىقتىق اكىمشىلەندىرۋدى رەتكە كەلتىرۋ جۇمىستارى اياسىندا ورىن العان-دى. قازىر مەملەكەتتىك كىرىستەر ورگاندارىنداعى اۋديت تە اۆتوموبيلدەردى زاڭداستىرۋ سالاسىنداعى كەمشىلىكتى تۇزەپ, سۇر يمپورتپەن كۇرەس اياسىندا جۇرگىزىلۋدە.
