جاڭالىقتار
كولىكتى 5 مينۋتتان ارتىق قىزدىرۋ – زاڭ كۇشىن جويا ما?
فوتو: ءماجىلىستىڭ ءباسپاسوز قىزمەتى
دەپۋتات نارتاي ارالباي ۇلى ءوزىنىڭ فەيسبۋكتەگى پاراقشاسىندا قوعامدا رەزونانس تۋدىرعان زاڭ تالاپتارى تۋرالى جازدى, دەپ حابارلايدى
Alash.KZ. جازعانداي,دەپۋتات تاكسيستەردىڭ تاعدىرىمەن وينايتىن زاڭنىڭ توقتاتىلعانىن ايتتى. سونىمەن بىرگە, كولىكتى 5 مينۋتتان ارتىق وتالدىرعان ادامدارعا سالىناتىن ايىپ تۋرالى شەشىمنىڭ قايتا قارالاتىنىن, ۋاكىلەتتى مينيسترلىكتىڭ ماقۇلداعانىن جازدى.
جولاۋشىلاردى اۆتوموبيلمەن تاسىمالداۋ سالاسىنداعى مەملەكەتتىڭ مىندەتتەرىن ءوزىن-ءوزى رەتتەۋ ۇيىمىنا بەرۋ, جەكەمەنشىك سرو-عا تاستاي سالۋ ۇلكەن قاتەلىك! وسى شيكى قادامدى كوزدەگەن زاڭ جوباسى ماجىلىسكە كەلگەن ەدى. ءبىز بىردەن قارسى بولدىق.ەكى سەبەبى بار:ءبىرىنشى, زاڭ جوباسى ءوزىن-ءوزى رەتتەۋ ۇيىمدارىنا جولاۋشىلار تاسىمالىنداعى ءتاريفتى بەلگىلەۋ, باعانى رەتتەۋ قۇزىرەتتەرىن بەرمەك.بۇل قاتە. قۇرىلۋى مۇمكىن ءوزىن-ءوزى رەتتەۋ ۇيىمدارى ازاماتتارىمىزدى ايامايتىنى ەكىباستان بەلگىلى. بۇل جەردە تۇتاس سالانى جەكەمەنشىك ۇجىمدارعا جىعىپ بەرۋ –مونوپوليانى قولدان جاساۋعا باعىتتالعان قيسىنسىز ارەكەت.ەكىنشى, جولاۋشىلاردى اۆتوموبيلمەن تاسىمالداۋ سالاسىنداعى قاۋىپسىزدىك ماسەلەلەرىن ءوزىن-ءوزى رەتتەۋ ۇيىمىنا بەرۋ ادامداردىڭ ومىرىنە ءجۇردىم-باردىم قاراۋدىڭ ناقتى كورىنىسى. اقشانىڭ ارتىنان قۋعان جەكەمەنشىك ۇيىمدار قاۋىپسىزدىككە قالاي بولسا سولاي قارايتىنى ايتپاسا دا تۇسىنىكتى. ءبىزدىڭ ەلدە دە جول اپاتتارى جىل سايىن جۇزدەگەن ادامنىڭ ءومىرىن جالمايدى, بۇل پروبلەمانى مەملەكەتتىك ورگاندار شەشە الماي وتىرىپ, اقىر اياعىندا جولداعى قاۋىپسىزدىكتى ءوزىن-ءوزى رەتتەۋ ۇيىمىنا بەرە سالۋ تۋرالى شەشىمدەرى اقىلدى ادامنىڭ ارەكەتى ەمەس, دەپ جازدى دەپۋتات.
سونىمەن, نارتاي ارالباي ۇلى اتالعان زاڭ جوباسى ءماجىلىستىڭ مۇراعاتىنا تۇسكەنىن, تاكسيستەردى ءوزىن-ءوزى رەتتەۋ ۇيىمىنا كىرۋگە, جارنا تولەۋگە مىندەتتەيتىن زاڭ جوباسىنىڭ توقتاتىلعانىن مالىمدەدى.
ال كولىكتى 5 مينۋتتان ارتىق وتالدىرىپ تۇرۋعا تىيىم سالاتىن مينيسترلىكتىڭ شەشىمىن دەرەۋ وزگەرتۋ كەرەك دەگەن تالاپقا بۇگىن ءىىم ورىنباسارى دەپۋتاتتار تاراپىنان بۇل نورماعا قاتىستى ۇسىنىس بولسا, ونى قاراۋعا, قولداۋعا دايىن ەكەنىن جەتكىزگەن.
