Jańalyqtar
Kólikti 5 mınýttan artyq qyzdyrý – Zań kúshin joıa ma?
Foto: Májilistiń baspasóz qyzmeti
Depýtat Nartaı Aralbaıuly óziniń feısbýktegi paraqshasynda qoǵamda rezonans týdyrǵan zań talaptary týraly jazdy, dep habarlaıdy
Alash.KZ. jazǵandaı,depýtat taksısterdiń taǵdyrymen oınaıtyn Zańnyń toqtatylǵanyn aıtty. Sonymen birge, kólikti 5 mınýttan artyq otaldyrǵan adamdarǵa salynatyn aıyp týraly sheshimniń qaıta qaralatynyn, ýákiletti mınıstrliktiń maquldaǵanyn jazdy.
Jolaýshylardy avtomobılmen tasymaldaý salasyndaǵy memlekettiń mindetterin ózin-ózi retteý uıymyna berý, jekemenshik SRO-ǵa tastaı salý úlken qatelik! Osy shıki qadamdy kózdegen zań jobasy Májiliske kelgen edi. Biz birden qarsy boldyq.Eki sebebi bar:Birinshi, Zań jobasy ózin-ózi retteý uıymdaryna jolaýshylar tasymalyndaǵy tarıfti belgileý, baǵany retteý quzyretterin bermek.Bul qate. Qurylýy múmkin ózin-ózi retteý uıymdary azamattarymyzdy aıamaıtyny ekibastan belgili. Bul jerde tutas salany jekemenshik ujymdarǵa jyǵyp berý –monopolııany qoldan jasaýǵa baǵyttalǵan qısynsyz áreket.Ekinshi, Jolaýshylardy avtomobılmen tasymaldaý salasyndaǵy qaýipsizdik máselelerin ózin-ózi retteý uıymyna berý adamdardyń ómirine júrdim-bardym qaraýdyń naqty kórinisi. Aqshanyń artynan qýǵan jekemenshik uıymdar qaýipsizdikke qalaı bolsa solaı qaraıtyny aıtpasa da túsinikti. Bizdiń elde de jol apattary jyl saıyn júzdegen adamnyń ómirin jalmaıdy, bul problemany memlekettik organdar sheshe almaı otyryp, aqyr aıaǵynda joldaǵy qaýipsizdikti ózin-ózi retteý uıymyna bere salý týraly sheshimderi aqyldy adamnyń áreketi emes, dep jazdy depýtat.
Sonymen, Nartaı Aralbaıuly atalǵan zań jobasy Májilistiń muraǵatyna túskenin, taksısterdi ózin-ózi retteý uıymyna kirýge, jarna tóleýge mindetteıtin zań jobasynyń toqtatylǵanyn málimdedi.
Al kólikti 5 mınýttan artyq otaldyryp turýǵa tyıym salatyn mınıstrliktiń sheshimin dereý ózgertý kerek degen talapqa búgin IIM orynbasary depýtattar tarapynan bul normaǵa qatysty usynys bolsa, ony qaraýǵa, qoldaýǵa daıyn ekenin jetkizgen.
