«Kólikti toqtatyp, sheshine bastady»: Farıza Eskermes zorlyqtan qalaı qutylǵanyn aıtyp berdi

Foto: Podkasttan skrınshot

Otandyq aktrısa Farıza Eskermes basynan ótken qorqynyshty oqıǵasyn bólisti. Bul týraly Stan.kz aqparat agenttigi habarlaıdy.

О́ner ıesi Taboo baǵdarlamasyna qonaq bolyp, zorlyqtan qalaı qashyp qutylǵanyn aıtyp berdi.

“17-18 jasta bolǵan kezimde qorqynyshty jaǵdaıǵa tap boldym. Áke-sheshem taý jaqta turady. Ol jaqqa barý úshin aldymen trassanyń boıymen, keıin burylyp, taǵy uzyn jolmen júrý kerek. Ol jolda kóp eshkim júrmeıdi. Aǵashtar kóp, shaǵyn ózenniń boıy. Taksıst – jas jigit. Túri áli esimde. Sol jigit kólikti toqtatty da, sheshine bastady. Men shoshyp kettim, aldymda paketter turǵan. Terezeni ashyp úlgerdim de, «kómektesińder» dep aıqaıladym. Sol kezde alystan adamdar kórip, qolshammen júgirip keldi. Sol kezde ol meni kólikke ıterip qulatyp, solaı qutqarylyp qaldym. Meniń áli kúnge deıin ókinetinim, kameralardyń bárin ashyp, sol adamdy tabýym kerek edi. Men qorqyp qaldym. Múmkin shok ta alǵan shyǵarmyn. Ony izdemek túgili úıden shyqqym kelmeı qaldy. Ol kezde bul týraly ata-anama da, qurbylaryma da aıtpadym», – dep esine aldy aktrısa.

Sonymen qatar aktrısa qyzdarǵa úndeý jasap, qorqynyshty sátte ózin qalaı qorǵap qalý kerek ekenin túsindirdi.

«Meniń túsingenim, er adamdar qyzdarǵa agressııa kórsetse, qyzdar jabylyp qalady eken. Eshkimge aıtqysy kelmeı, óz problemasyn elge jaıǵysy kelmeı, óziniń ishinde ustaıdy eken. Negizi aıtý kerek. Men sol jaǵdaı úshin qatty ókinemin. Sol kezde ol adamdy taýyp, sotqa berýim kerek edi. Biraq 12 jyl ótip ketti. Taksıdi daladan ustaı saldym. Qyzdar olaı istemeńizder. Tipti, taksı shaqyrsańyz da, onyń siltemesin aǵalaryńa, ápkelerińe nemese kúıeýlerińizge jiberip qoıyńyzdar», – dedi kınojuldyz.

Eske salaıyq, jaqynda aktrısa Andreı esimdi jigitke turmysqa shyqqan edi.