«كولىكتىڭ جارتىسى جوق»: تەمىرتاۋلىق جىگىت استانادا كولىك ۇرلاپ, جانتۇرشىگەرلىك جول اپاتىنا ۇشىرادى

تەمىرتاۋدىڭ 18 جاستاعى تۇرعىنى استانادا كولىك ۇرلاپ, ءىرى جول اپاتىنا ۇشىرادى, دەپ حابارلايدى Qandastar.kz

24-ءشى تامىز تۇندە بولعان جول اپاتى سالدارىنان ءۇش ادام زارداپ شەكتى.

جول اپاتىنىڭ سۋرەتتەرى مەن ۆيدەولارى Threads الەۋمەتتىك جەلىسىندە جاريالاندى. سۋرەتتەردەن جول اپاتىنان كەيىن كولىكتىڭ جارتىسى عانا قالعانىن كورۋگە بولادى.

تەمىرتاۋدىڭ 18 جاستاعى تۇرعىنى Changan Deepal S07 ماركالى كولىكتى زاڭسىز يەلەنگەن. قالانىڭ ىشىندە قوزعالىپ ءجۇرىپ, جول ەرەجەلەرىن ورەسكەل تۇردە بۇزعان. اينالاسىنداعىلارعا قاۋىپ ءتوندىردى. ناتيجەسىندە ءۇش ادام زارداپ شەكتى. بارلىعى اۋرۋحاناعا جەتكىزىلدى. ال كولىك ۇرلاعان جىگىت ەشقانداي جاراقات الماعان, – دەدى پوليتسيا دەپارتامەنتىندە.

كۇدىكتى ۇستالىپ, ۋاقىتشا ۇستاۋ يزولياتورىنا قامالدى.

قىلمىستىق ءىس قوزعالدى, تەرگەۋ جۇرگىزىلۋدە.