كوللەدج ەسەپشىسى ستۋدەنتتەردىڭ شاكىرتاقىسىن جىمقىرعان

فوتو: اشىق دەرەككوز

ماڭعىستاۋ وبلىستىق پروكۋراتۋراسى ماڭعىستاۋ تەحنيكالىق كوللەدجىندەگى قارجى جىمقىرۋ فاكتىسىنە قاتىستى مالىمدەمە جاسادى, – دەپ حابارلايدى qandastar.kz

وبلىستىق قاداعالاۋ ورگانىنىڭ قىزمەتكەرلەرى ماڭعىستاۋ تەحنيكالىق كوللەدجىنىڭ قىزمەتىنە تەكسەرۋ جۇرگىزگەن.

«تەكسەرىس ناتيجەسىندە باس بۋحگالتەر 243 ملن تەڭگە كولەمىندە ءىسساپار, شاكىرتاقى جانە سالىق مىندەتتەمەلەرى ءۇشىن كوزدەلگەن قاراجاتتى ءوزىنىڭ جەكە شوتىنا زاڭسىز اۋدارۋ ارقىلى بيۋدجەت قاراجاتىن جىمقىرۋ فاكتىسى انىقتالدى», – دەلىنگەن رەسمي اقپاراتتا.

وسى فاكتى بويىنشا قك-ءنىڭ 189-بابى 4-بولىگى 2) تارماقشاسىمەن سوتقا دەيىنگى تەرگەپ-تەكسەرۋ جۇرگىزىلۋدە.

قىلمىستىق ءىس ارنايى پروكۋروردىڭ وندىرىسىندە, سوت ساراپتامالارى تاعايىندالدى.

باسقا مالىمەتتەر تەرگەۋ مۇددەسى ءۇشىن جاريا ەتىلمەيدى.