Kolledj esepshisi stýdentterdiń shákirtaqysyn jymqyrǵan

Foto: ashyq derekkóz

Mańǵystaý oblystyq prokýratýrasy Mańǵystaý tehnıkalyq kolledjindegi qarjy jymqyrý faktisine qatysty málimdeme jasady, – dep habarlaıdy qandastar.kz

Oblystyq qadaǵalaý organynyń qyzmetkerleri Mańǵystaý tehnıkalyq kolledjiniń qyzmetine tekserý júrgizgen.

«Tekseris nátıjesinde bas býhgalter 243 mln teńge kóleminde issapar, shákirtaqy jáne salyq mindettemeleri úshin kózdelgen qarajatty óziniń jeke shotyna zańsyz aýdarý arqyly bıýdjet qarajatyn jymqyrý faktisi anyqtaldy», – delingen resmı aqparatta.

Osy fakti boıynsha QK-niń 189-baby 4-bóligi 2) tarmaqshasymen sotqa deıingi tergep-tekserý júrgizilýde.

Qylmystyq is arnaıy prokýrordyń óndirisinde, sot saraptamalary taǵaıyndaldy.

Basqa málimetter tergeý múddesi úshin jarııa etilmeıdi.