«كوللەدجدە ۇرلىقشى بولدى»: جەلىدە پەريزات قايرات تۋرالى تىڭ اقپارات تارادى

فوتو: اشىق دەرەككوزدەن

Cۋ تاسقىنىنان زارداپ شەككەندەرگە جينالعان 1,5 ميلليارد تەڭگەنى جىمقىردى دەپ كۇدىككە ىلىنگەن “Biz birgemiz” قورىنىڭ نەگىزىن قالاۋشى پەريزات قايراتتى قارالايتىن دەرەكتەر الەۋمەتتىك جەلىدە تارالىپ كەتتى, دەپ حابارلايدى qandastar.kz سايتى. 

سونىڭ ءبىرى – پەريزاتتىڭ ءوزى وقىعان كوللەدج جاتاقحاناسىندا تەلەفون ۇرلاپ, وقۋدان شىققانى تۋرالى اقپارات تارادى. “ماڭعىستاۋ ونەر كوللەدجى” مەن ەسترادا-تسيرك كوللەدجىنە جەلىدە تاراعان اقپاراتتىڭ راس-وتىرىگىن ايتتى. “ماڭعىستاۋ ونەر كوللەدجى” مكقك قاسەنعاليەۆا پەريزات قايراتقىزىنىڭ وقۋ ورنىنا 2006-2007 وقۋ جىلى “حوردا ديريجەرلىك ەتۋ” ماماندىعى بويىنشا 1-كۋرسقا قابىلدانعانىن مالىمدەدى. كەيىن 2008 جىلى الماتى قالاسىنداعى ج.ەلەبەكوۆ اتىنداعى ەسترادا-تسيرك كوللەدجىنە اۋىسىپ كەتكەن.
الايدا ونىڭ باسقا وقۋ ورنىنا نە سەبەپتى اۋىسىپ كەتكەنىن ايتۋدان باس تارتتى.

ەكى وقۋ ورنىندا دا پەريزات قايرات ءبىر جىل, ءبىر جىلعا جەتپەيتىن ۋاقىت وقىعان.

سونداي-اق ج.ەلەبەكوۆ اتىنداعى ەسترادا-تسيرك كوللەدجى پەريزات قايراتتىڭ وقۋدان شىعىپ قالعانىن راستادى.