قولىمەن جىلان ۇستاعان 85 جاستاعى اجە جۇرتتى تاڭقالدىردى

الەۋمەتتىك جەلىدە تاراعان بەينەجازبادا 85 جاستاعى كەيۋانا ءۇيىنىڭ اۋلاسىندا جۇرگەن جىلاندى قورىقپاي قولىمەن ۇستاپ, ونى قاۋىپسىز جەرگە الىپ شىققانى كورسەتىلگەن. بۇل ەرەكشە وقيعا جەلى قولدانۋشىلارىن تاڭعالدىردى, دەپ حابارلايدى Qandastar.kz اقپارات پورتالى.

بەينەجازبانى جاريالاعان jamiko_begalyqyzy ەسىمدى قولدانۋشىنىڭ ايتۋىنشا, ەرجۇرەك كەيۋانا – ۇلى وتان سوعىسىنىڭ باتىرى قارسىباي سپاتاەۆتىڭ جالعىز قىزى ەكەن.

«رۋى دا, ءوزى دە – باتىر», – دەپ جازدى اۆتور.

جازباعا «اپانىڭ سەرگەك ءجۇرىسى مەن قورىقپاي ارەكەت ەتكەنى بايقالادى», «قولىنا تاياق تا الماستان جىلاندى ەش قينالماي ۇستاپ العانى كورىنەدى», «جاسوسپىرىمدەر مەن كورشىلەر بۇل كورىنىسكە تاڭدانىسىن جاسىرا الماعان» دەگەن پىكىردەر جازىلعان.

پىكىر قالدىرعاندار اراسىندا:

• «مۇنداي باتىر انالار سيرەك كەزدەسەدى»;
• «قانمەن كەلگەن باتىرلىق بۇل»
•  «جۇرەگى تەمىردەن سوعىلعانداي» – دەگەن سوزدەر جازىلعان

كەيۋانا – قارسىباي سپاتاەۆتىڭ قىزى. ۇلى وتان سوعىسىنىڭ قاھارمانى سپاتاەۆ ەرلىگى ءۇشىن كەڭەس وداعىنىڭ باتىرى اتاعىن العان. ونىڭ ۇرپاعى دا ەلدىڭ ەرلىگى مەن باتىرلىعىن جالعاستىرىپ كەلە جاتقانىن دالەلدەگەندەي بولدى.