Qolymen jylan ustaǵan 85 jastaǵy áje jurtty tańqaldyrdy

Áleýmettik jelide taraǵan beınejazbada 85 jastaǵy keıýana úıiniń aýlasynda júrgen jylandy qoryqpaı qolymen ustap, ony qaýipsiz jerge alyp shyqqany kórsetilgen. Bul erekshe oqıǵa jeli qoldanýshylaryn tańǵaldyrdy, dep habarlaıdy Qandastar.kz aqparat portaly.

Beınejazbany jarııalaǵan jamiko_begalyqyzy esimdi qoldanýshynyń aıtýynsha, erjúrek keıýana – Uly Otan soǵysynyń batyry Qarsybaı Spataevtyń jalǵyz qyzy eken.

«Rýy da, ózi de – batyr», – dep jazdy avtor.

Jazbaǵa «Apanyń sergek júrisi men qoryqpaı áreket etkeni baıqalady», «Qolyna taıaq ta almastan jylandy esh qınalmaı ustap alǵany kórinedi», «Jasóspirimder men kórshiler bul kóriniske tańdanysyn jasyra almaǵan» degen pikirder jazylǵan.

Pikir qaldyrǵandar arasynda:

• «Mundaı batyr analar sırek kezdesedi»;
• «Qanmen kelgen batyrlyq bul»
•  «Júregi temirden soǵylǵandaı» – degen sózder jazylǵan

Keıýana – Qarsybaı Spataevtyń qyzy. Uly Otan soǵysynyń qaharmany Spataev erligi úshin Keńes Odaǵynyń Batyry ataǵyn alǵan. Onyń urpaǵy da eldiń erligi men batyrlyǵyn jalǵastyryp kele jatqanyn dáleldegendeı boldy.