«Qolyn shaýyp tastaǵan»: Qyzylordada 20 jyl quldyqta boldyq degen otbasy adam sengisiz derekterdi aıtty

Foto:24.Kz

Qyzylorda oblysy Qazaly aýdany Aqsýat aýylynda turatyn bútin bir otbasy 20 jyl quldyqta bolǵanyn aıtyp, janaıqaıyn bólisti. Olar sol óńirge belgili kásipkerden jyldar boıy qorlyq kórip kelgenin jetkizgen, dep habarlaıdy  qandastar.kz 

Qojageldi Jalǵasbaev osydan 20 jyl buryn qazaqstandyq kásipker «jumys taýyp beremin» degen ýádemen otbasymen birge shekaradan alyp ótkenin málimdegen. Onyń aıtýynsha, sodan beri kórgen kúni adam aıtsa sengisiz. 20 jyldan beri aıdalada malyn baqqyzyp, qolyma kók tıyn da ustatpady, deıdi ol. Jalǵyz ózin ǵana emes, joldasy men bala-shaǵasyn da qara jumysqa jekkenin aıtady.

«Shekaradan ózderi alyp ótti meni. Osy jaqqa ákep, mal baqtyryp qoıdy. Sol 20 jyl boldy ǵoı. Mal baqqanyma bul jerge. Ana adamǵa da, myna adamǵa da aıtam. Qudaı aıdap, myna inime aıttym. Osy kisilermen ketip qaldym, qashyp kettim men. Bala-shaǵam qaldy ana jaqta», — deıdi Qojageldi Jalǵasbaev.

Aıdalada mal baǵyp júrgen jerinen Qazaly qalasynyń turǵyny úıine ákelip, as aýqatyn berip, kıim-keshekpen qamtamasyz etken.

«Qansha azap kórip kele jatyrmyn ǵoı men. Uryp-soǵady. Aıdalada jatam jazdaı. Bala-shaǵa ár jerde júr. Áıelim bir jaqta júr. Balalar sonyń jumysynda júr. Balamnyń qolyn myna jerden shaýyp tastaǵan. Balalardy da uryp-soǵady. Úsh balam da oqymaıdy. Mektepke barmaǵan. О́tirik anyqtama alady eken bular, oqyp jatyr degen. Saýatsyz úsheýi de», — deıdi Qojageldi Jalǵasbaev.

24kz jazǵandaı,  úsh balasy da quldyqta júrgen jyldary ómirge kelgen.

«Eki balamdy myna lashyqta ómirge ákeldim», — deıdi Qojageldiniń kelinshegi Sholpan.

«Bul balalarymdy kórgen de joqpyn. Sol jaqqa alyp ketedi, bir ózim júrdim maldyń basynda. «Anany, mynany istemediń», — deıdi. Qorasy tazalanbaı qalady, maǵan aıtady: «Qora tazalanbady, neǵyp otyrsyń. Úlken uldy tyr jalańash qoıdy dalaǵa, kún sýyqta. Ústine sýdy quıyp-quıyp», — deıdi», — dep bólisti Sholpan Jalǵasbaeva.

Estigen adamnyń tóbe quıqasyn shymyrlatatyn oqıǵa týraly eki apta buryn belgili bolǵan.

Atalǵan jaıtqa aýdandyq polıııa bóliminiń ókili pikir bildirdi.

«Bas bostandyǵynan zańsyz aıyrý faktisi boıynsha polıııa tergep-tekserý bastady. Qazirgi ýaqytta bolǵan oqıǵanyń barlyq mán-jaıyn anyqtaý úshin tergeý is-sharalarynyń kesheni júrgizilip jatyr», — dedi Qazaly APB bastyǵynyń tergeý jónindegi orynbasary Qýandyq Orazov.