قولىندا شىلىم مەن ىشىمدىك: ءاليحان بوكەيحاننىڭ سۋرەتى تۇنگى كلۋبتا ءىلۋلى تۇر

فوتو: اشىق دەرەككوز

تەكسىزدەر تورگە كەلەتىن بولسا, تەكتىنىڭ باسى جەرگە دومالايدى. تۇنگى كلۋبتىڭ بىرىندە ۇلت كوسەمى, الاش ارىسى ءاليحان بوكەيحاننىڭ قورلانعان سۋرەتى تابىلدى, دەپ حابارلايدى  qandastar.kz

بەينەجازبانى facebook جەلىسىنىڭ بەلسەندى وقىرمانى تورەبەك ساعىندىق جاريالادى. ايتۋىنشا, تۇنگى كلۋبتىڭ بىرىندە ءاليحان بوكەيحاننىڭ سۋرەتىن الىپ, ونىڭ قولىنا شىلىم مەن ىشىمدىك ۇستاتىپ قويعان.

“اۋزى جامان كوردى بىلعايدى, اياعى جامان ءتوردى بىلعايدى دەيدى. قازاقتىڭ جاستارىنا “نە ىستەي الاسىڭ?” دەگەن پاسىق ويمەن ىستەپ جاتقان دۇنيە عوي. “جامانداردىڭ كوبەيىپ كەتۋىنەن ەمەس, جاقسىلاردىڭ جالقاۋلىعىنان” دەگەن ءسوز بار. جىگىتتەر اركەز وسىنداي قاتەلىكتەردى تۇزەتۋگە تىرىسايىق. ءسىز بەن ءبىز ۇيىقتاپ جۇرگەننەن كەيىن وسىنداي دۇنيەلەر ىستەلىپ جاتىر. ۇيىقتاعان حالىقتى بىلەسىزدەر, نە جەر بەتىنەن جويىلىپ كەتەدى, نە تۇرعاندا قۇل بوپ ويانادى. ءتىپتى ۇلت كوشباسشىسىن قورلاپ, كلۋبقا اكەپ قويدىق. جىگىتتەر, جاقسىلىققا بىرىگەيىك!”- دەدى ۆيدەو اۆتورى.