Qolynda shylym men ishimdik: Álıhan Bókeıhannyń sýreti túngi klýbta ilýli tur

Foto: ashyq derekkóz

Teksizder tórge keletin bolsa, tektiniń basy jerge domalaıdy. Túngi klýbtyń birinde Ult kósemi, Alash arysy Álıhan Bókeıhannyń qorlanǵan sýreti tabyldy, dep habarlaıdy  qandastar.kz

Beınejazbany facebook jelisiniń belsendi oqyrmany Tórebek Saǵyndyq jarııalady. Aıtýynsha, túngi klýbtyń birinde Álıhan Bókeıhannyń sýretin alyp, onyń qolyna shylym men ishimdik ustatyp qoıǵan.

“Aýzy jaman kórdi bylǵaıdy, aıaǵy jaman tórdi bylǵaıdy deıdi. Qazaqtyń jastaryna “ne isteı alasyń?” degen pasyq oımen istep jatqan dúnıe ǵoı. “Jamandardyń kóbeıip ketýinen emes, jaqsylardyń jalqaýlyǵynan” degen sóz bar. Jigitter árkez osyndaı qatelikterdi túzetýge tyrysaıyq. Siz ben biz uıyqtap júrgennen keıin osyndaı dúnıeler istelip jatyr. Uıyqtaǵan halyqty bilesizder, ne jer betinen joıylyp ketedi, ne turǵanda qul bop oıanady. Tipti Ult kóshbasshysyn qorlap, klýbqa ákep qoıdyq. Jigitter, jaqsylyqqa birigeıik!”- dedi vıdeo avtory.