«قولىڭىزدا قۇتقارۋشىنىڭ جىلدىق جالاقىسى»: جۋرناليستەر توتەنشە جاعدايلار مينيسترىنەن ساعاتىنىڭ باعاسىن سۇرادى

مينيسترلەر كابينەتىندە وتكەن بريفينگتە توتەنشە جاعدايلار مينيسترلىگى باسشىسىنا قولىنداعى ساعاتتىڭ قۇنى تۋرالى سۇراق قويىلدى – سۇراق قازاقستاندا قۇتقارۋشىلاردىڭ الاتىن جالاقىسى تۋرالى اڭگىمە بارىسىندا قويىلعان,-دەپ حابارلايدى Qandastar.kz

شىڭعىس ءارىنوۆ بۇگىن قازاقستانداعى سۋ تاسقىنى كەزىندە قۇتقارۋشىلار قانشا جالاقى العانىن ايتتى. مينيسترگە توتەنشە جاعداي قىزمەتكەرلەرىنە وسى اۋىر جۇمىس كەزىندە نەگە سىرت كەلبەتىنىڭ ادەمى بولۋى تالاپ ەتىلگەنى جونىندە سۇراق قويىلدى.

«مەنىڭ ويىمشا, ەگەر مۇنداي شاعىم جاسالعان بولسا… قۇتقارۋشى, اسىرەسە, پوگون تاققاندار ۇقىپتى كيىنىپ ءجۇرۋى كەرەك دەگەن تالاپ بار ەكەنىن جاسىرمايمىن. سىرتقى كەلبەتى ۇقىپتى بولۋى – نەگىزىنەن تالاپ وسىنداي بولعان: قىرىنۋ, تارانۋ, فورماسىن تازا ۇستاۋ. مۇنداي تالاپ بولدى, ويتكەنى ءبىز باسشىلىق جانە جەرگىلىكتى باسشىلىق رەتىندە گيگيەنا مەن جەر-جەردەگى قىزمەتىن قالىپتى اتقارۋعا قاجەت جاعدايلاردى ۇيىمداستىردىق», – دەپ جاۋاپ بەردى ءارىنوۆ.

توتەنشە جاعدايلار مينيسترىنە: «قۇتقارۋشىلار فورمانى ءوز قارجىسىنا ساتىپ الۋعا ءماجبۇر, ال مينيسترلىك باسشىسى «جىلدىق جالاقىنى» قولساعات رەتىندە تاعىپ ءجۇر دەگەن پىكىر شىندىققا جاناسا ما?» دەگەن سۇراق قويىلدى.

ءوز اقشاڭا فورما ساتىپ الۋ جونىندەگى تالاپقا كەلسەك, مۇنداي تالاپ جوق. قىزمەتكەرلەرىمىزدى تولىقتاي قامتاماسىز ەتىپ وتىرمىز. اتتەگەن-ايى, سونشالىق ساپالى بولماسا دا, قامتاماسىز ەتىپ وتىرمىز. ال ەكى ميلليون تۇراتىن ساعاتقا كەلەر بولساق, بۇل دا اسىرا ايتۋشىلىق (…) ەكى ميلليون تۇرمايتىنى انىق. قانشا تۇراتىنىن مۇلدە بىلمەيمىن, بۇل ماعان سىيعا تارتىلعان قالىپتى ساعات», – دەپ جاۋاپ بەردى ءارىنوۆ.