«Komada jatqan qyzǵa tıesili»: Kóripkel Aıgúl Aqtaýda ushaq qulaǵan jerden syrǵa taýyp aldy

Foto: vıdeodan kadr

Osyǵan deıin áleýmettik jelide qazaq kóripkeli Aıgúl Berdiǵalıeva Aqtaý mańynda bolǵan ushaq apatynyń ornynan áshekeı buıym, syrǵany taýyp alǵanyn aıtqan edi, dep habarlaıdy qandastar.kz aqparat portaly Azattyq Rýhy saıtyna silteme jasap.

Kóripkel Aıgúl Berdiǵalıeva Aqtaý mańyndaǵy ushaq apaty bolǵan jerden tapqan syrǵa kimge tıesili ekeni belgili boldy.

Ázerbaıjannyń 1news.az aqparat agenttigi Aıgúl Berdiǵalıevaǵa habarlasyp, syrǵanyń ıesi bolýy múmkin adamdy izdep tapqanyn jetkizgen, zergerlik buıym qazirgi ýaqytta Bakýde komada jatqan Halaeva Hafısat Gýseın qyzyna tıesili bolyp shyqty.

H. Halaevanyń joldasy quqyq qorǵaý organdarynyń qyzmetkerleri buryn joǵalǵan buıymdardyń bir bóligin tapsyrǵanyn aıtty. Alaıda ol jubaıynyń syrǵasy tabylǵanyn bilmegen.

Sondaı-aq, jábirlenýshiniń jubaıy redakııaǵa tolyq jıyntyqtyń sýretin usyndy. Osylaısha, qazaqstandyq kóripkel Baký aýrýhanasynda jatqan naýqastyń syrǵasyn taýyp berdi. Hafısat Halaeva ushaq apatynan keıin komada jatqan. Jaqyn kúnderi ol esin jıypty.

Aıta keteıik, Halaeva avar ultynan, Ázerbaıjannyń Balaken aýdanynda turady.