“كومانديرى ەلەمەگەن»: جاڭبىر استىندا «كوشپەندىلەر ويىنىڭ» ءتارتىبىن كۇزەتكەن سارباز كوماعا ءتۇستى

فوتو: اشىق دەرەككوز

استانادا ءوتىپ جاتقان كوشپەندىلەر ويىندارىنىڭ قاۋىپسىزدىگىن كۇشەيتۋگە كەلگەن سارباز كوماعا ءتۇستى, – دەپ حابارلايدى qandastar.kz Massaget.kz ماتەريالىنا سۇيەنىپ.

اتالعان اقپاراتتى العاش بولىپ facebook جەلىسىندە الما سايلاۋقىزى دەگەن قولدانۋشى جازدى.

«كوشپەندىلەر ويىنىنا «ۋسيلەنيە» ءۇشىن كەلگەن جىگىت تۇرعان جەرىندە قۇلاپ, كوماعا ءتۇسىپتى. جاڭبىر استىنا تاڭنان كەشكە دەيىن تۇرعان سارباز كومانديرىنە بىرنەشە كۇن بويى قىزۋى كوتەرىلىپ تۇرعانىن ايتسا دا, ءتارتىپ سولاي دەپ ەلەمەگەن», – دەلىنگەن سايلاۋقىزىنىڭ جازباسىندا.

اتالعان اقپاراتتى قالالىق پوليتسيا دەپارتامەنتى راستادى.

«قازىرگى تاڭدا ءمان-جاي انىقتالىپ جاتىر, قوسىمشا اقپاراتتى حابارلايمىز», – دەدى قالالىق پوليتسيا دەپارتامەنتىنىڭ ءباسپاسوز قىزمەتىنىڭ وكىلى ەلميرا شاۋلەنوۆا.

ايتا كەتەيىك, 8-13 قىركۇيەك كۇندەرى استانادا V دۇنيەجۇزىلىك كوشپەندىلەر ويىنى وتەدى. الدىن الا بولجام بويىنشا, ويىنعا 2430 قاتىسۋشى, 100 مىڭعا جۋىق تۋريست كەلەدى. سونداي-اق 300-400 شەتەلدىك باق قاتىسۋعا ءوتىنىم بەرگەن.