“Komandıri elemegen»: Jańbyr astynda «Kóshpendiler oıynyń» tártibin kúzetken sarbaz komaǵa tústi

Foto: Ashyq derekkóz

Astanada ótip jatqan kóshpendiler oıyndarynyń qaýipsizdigin kúsheıtýge kelgen sarbaz komaǵa tústi, – dep habarlaıdy qandastar.kz Massaget.kz materıalyna súıenip.

Atalǵan aqparatty alǵash bolyp facebook jelisinde Alma Saılaýqyzy degen qoldanýshy jazdy.

«Kóshpendiler oıynyna «ýsılenıe» úshin kelgen jigit turǵan jerinde qulap, komaǵa túsipti. Jańbyr astyna tańnan keshke deıin turǵan sarbaz komandırine birneshe kún boıy qyzýy kóterilip turǵanyn aıtsa da, tártip solaı dep elemegen», – delingen Saılaýqyzynyń jazbasynda.

Atalǵan aqparatty qalalyq Polıııa departamenti rastady.

«Qazirgi tańda mán-jaı anyqtalyp jatyr, qosymsha aqparatty habarlaımyz», – dedi qalalyq Polıııa departamentiniń baspasóz qyzmetiniń ókili Elmıra Shaýlenova.

Aıta keteıik, 8-13 qyrkúıek kúnderi Astanada V Dúnıejúzilik Kóshpendiler oıyny ótedi. Aldyn ala boljam boıynsha, oıynǵa 2430 qatysýshy, 100 myńǵa jýyq týrıst keledi. Sondaı-aq 300-400 sheteldik BAQ qatysýǵa ótinim bergen.