«كومىپ, ۇستىنە ات بايلاپ قويعان»: جەتىسايدا ەكى اي بۇرىن جوعالعان ايەلدىڭ ءمايىتى اۋىلداسىنىڭ اۋلاسىنان تابىلدى

كوللاج Stan.kz

جەتىسايدا ەكى اي بۇرىن جوعالعان 38 جاستاعى ايگەرىم اجىكەەۆانىڭ ءمايىتى اۋىلداسىنىڭ اۋلاسىنان تابىلدى, دەپ جازادى qandastar.kz

بۇل تۋرالى Stan.kzاقپارات اگەنتتىگى حابارلايدى.

مارقۇم ايەلدى شارق ۇرىپ ىزدەگەن اتا-اناسى كۇدىكتى قىزدارىن ازاپتاپ ءولتىرىپ, جاسىرۋ ءۇشىن بەيىتتىڭ جانىنا جىلقى بايلاپ قويعانىن ايتادى. مارقۇمنىڭ اناسى مەيرامگۇل بەرداليەۆا قىزىن قاڭتاردىڭ جيىرما سەگىزىنە جۇمىسقا شىعارىپ سالعان. الايدا, 38 جاستاعى ايگەرىم سول كۇيى ورالماپتى. ءبىر جاماندىقتى سەزگەن انا بىردەن پوليتسياعا شاعىمدانىپتى. ارادا ەكى اپتا وتكەندە كەلىنشەكتىڭ ءمايىتى كورشى كوشەدەگى ەر ادامنىڭ ءۇي جاعىنان تابىلعان.

«قولى شىعىپ قالعان دەيدى. ءۇيدىڭ ارتىنا كومگەن. سويتكەن دە ۇستىنە توپىراقتى سەۋىپ تاستاعان دا, ۇستىنە ءشوپ قويعان. ءشوپتىڭ ۇستىنە اتتى بايلاپ قويعان. تىر جالاڭاش كومىپ تاستاعان. ءۇستى-باسىنىڭ ءبارى لاي. مۇرنىنان قان اعىپ جاتىر. ءتىلىن تىستەپ قالعان. ەندى قورلىقپەن ولتىرگەن قىزىمدى», – دەيدى مارقۇمنىڭ اناسى مەيرامگۇل بەرداليەۆا.

قارا جامىلعان وتباسى كۇدىكتىنىڭ بۇعان دەيىن ەكى رەت ادام ءولتىرىپ سوتتالعانىن ايتادى. ال ايگەرىمدى ولتىرۋىنە قارىزىن سۇراپ كەلۋى سەبەپ بولدى دەپ تۇسىندىرگەن. بۇعان سەنبەيمىز دەگەن قارالى وتباسى سول كۇنى كەلىنشەكتىڭ ۇيدەن 420 مىڭ تەڭگە الىپ كەتكەنىن ايتادى. الايدا, قازىپ العاندا اقشا تۇرماق ايەلدىڭ ۇستىندە كيىم دە بولماعان.

«باسىندا وتە ۇلكەن ىسىك بولدى. ءبۇيىر, ارقا, جاۋىرىن تۇگەل كوگەرىپ كەتكەن. ەكسپەرتيزادا قىلقىندىردى دەپ وتىر. ءبىز وعان سەنبەيمىز. ەشقانداي دا ءجىپتىڭ ءىزى جوق موينىندا. ءۇش پىشاقتىڭ بەلگىسى. موينىنان بىلاي كوگەرگەن. ۇرعان, تەپكەن. ءبىر ادام ءولتىردى دەگەنگە سەنبەيمىز. قىلمىسكەردىڭ قاسىندا ەكى ادام بولعان. سول ەكى ادامدى تابۋىن تالاپ ەتەمىز», – دەيدى مارقۇمنىڭ ءسىڭلىسى ۇلتۋار اجىكەەۆا.

اجىكەەۆا جوعالعان كۇنى-اق اناسى قىزىنىڭ ءمايىتى تابىلعان ءۇي يەسىنەن كۇدىكتەنگەن. بىراق پوليتسەيلەر ونى ۇستاۋعا اسىقپادى دەيدى. تەك ەكى اپتا ءوتىپ دەنە انىقتالعان كۇنى عانا ەر ادام ءتارتىپ ساقشىلارىنا ءوزى بەرىلىپتى.

«جەدەل-ىزدەستىرۋ ءىس-شارالارى بارىسىندا كۇدىكتى, ياعني جەرگىلىكتى تۇرعىن انىقتالىپ, ۇستالدى. ول بىردەن قاماۋعا الىندى. الدىن الا مالىمەتتەر بويىنشا, قىلمىس تۇرمىستىق جانجال نەگىزىندە بولعان”مارقۇمنىڭ اناسى كۇدىكتىنىڭ قىزىنان 10 جىل بويى اقشا بوپسالاپ كەلگەنىن ەندى عانا بىلگەنىن ايتادى. ايگەرىم كوكپار ويىنى كەزىندە ساۋدا-ساتتىق جاساپ ناپاقا تاۋىپ كەلگەن. 2 جانە 3 توپ مۇگەدەگى ەسەبىندە تۇرعان اتا-اناسىن جالعىز ءوزى باققان ايەلدىڭ وتباسى جوق», – دەلىنگەن تۇركىستان وبلىستىق پوليتسيا دەپارتامەنتىنىڭ حابارلاماسىندا.