«Kómip, ústine at baılap qoıǵan»: Jetisaıda eki aı buryn joǵalǵan áıeldiń máıiti aýyldasynyń aýlasynan tabyldy

Kollaj Stan.kz

Jetisaıda eki aı buryn joǵalǵan 38 jastaǵy Aıgerim Ájikeevaniń máıiti aýyldasynyń aýlasynan tabyldy, dep jazady qandastar.kz

Bul týraly Stan.kzaqparat agenttigi habarlaıdy.

Marqum áıeldi sharq uryp izdegen ata-anasy kúdikti qyzdaryn azaptap óltirip, jasyrý úshin beıittiń janyna jylqy baılap qoıǵanyn aıtady. Marqumnyń anasy Meıramgúl Berdalıeva qyzyn qańtardyń jıyrma segizine jumysqa shyǵaryp salǵan. Alaıda, 38 jastaǵy Aıgerim sol kúıi oralmapty. Bir jamandyqty sezgen ana birden polıııaǵa shaǵymdanypty. Arada eki apta ótkende kelinshektiń máıiti kórshi kóshedegi er adamnyń úı jaǵynan tabylǵan.

«Qoly shyǵyp qalǵan deıdi. Úıdiń artyna kómgen. Sóıtken de ústine topyraqty seýip tastaǵan da, ústine shóp qoıǵan. Shóptiń ústine atty baılap qoıǵan. Tyr jalańash kómip tastaǵan. Ústi-basynyń bári laı. Murnynan qan aǵyp jatyr. Tilin tistep qalǵan. Endi qorlyqpen óltirgen qyzymdy», – deıdi marqumnyń anasy Meıramgúl Berdalıeva.

Qara jamylǵan otbasy kúdiktiniń buǵan deıin eki ret adam óltirip sottalǵanyn aıtady. Al Áıgerimdi óltirýine qaryzyn surap kelýi sebep boldy dep túsindirgen. Buǵan senbeımiz degen qaraly otbasy sol kúni kelinshektiń úıden 420 myń teńge alyp ketkenin aıtady. Alaıda, qazyp alǵanda aqsha turmaq áıeldiń ústinde kıim de bolmaǵan.

«Basynda óte úlken isik boldy. Búıir, arqa, jaýyryn túgel kógerip ketken. Ekspertızada qylqyndyrdy dep otyr. Biz oǵan senbeımiz. Eshqandaı da jiptiń izi joq moınynda. Úsh pyshaqtyń belgisi. Moınynan bylaı kógergen. Urǵan, tepken. Bir adam óltirdi degenge senbeımiz. Qylmyskerdiń qasynda eki adam bolǵan. Sol eki adamdy tabýyn talap etemiz», – deıdi marqumnyń sińlisi Ultýar Ájikeeva.

Ájikeeva joǵalǵan kúni-aq anasy qyzynyń máıiti tabylǵan úı ıesinen kúdiktengen. Biraq polıeıler ony ustaýǵa asyqpady deıdi. Tek eki apta ótip dene anyqtalǵan kúni ǵana er adam tártip saqshylaryna ózi berilipti.

«Jedel-izdestirý is-sharalary barysynda kúdikti, ıaǵnı jergilikti turǵyn anyqtalyp, ustaldy. Ol birden qamaýǵa alyndy. Aldyn ala málimetter boıynsha, qylmys turmystyq janjal negizinde bolǵan”Marqumnyń anasy kúdiktiniń qyzynan 10 jyl boıy aqsha bopsalap kelgenin endi ǵana bilgenin aıtady. Áıgerim kókpar oıyny kezinde saýda-sattyq jasap nápaqa taýyp kelgen. 2 jáne 3 top múgedegi esebinde turǵan ata-anasyn jalǵyz ózi baqqan áıeldiń otbasy joq», – delingen Túrkistan oblystyq polıııa departamentiniń habarlamasynda.