جاڭالىقتار
كوممۋنالدىق قىزمەتتىڭ قوڭىراۋىنا جاۋاپ بەرگەن قازاقستاندىق 7 ميلليونعا سان سوقتى
فوتو: اشىق دەرەككوز
اقتوبەلىك ازاماتقا WhatsApp نومىردەن بەلگىسىز بىرەۋ حابارلاسىپ, ءوزىن كوممۋنالدىق قىزمەت بويىنشا قوڭىراۋ شالىپ تۇرعانىن ايتقان. الاياق ەر ادامنىڭ اتىنان نەسيە راسىمدەگەن. بۇل تۋرالى qandastar.kz حابارلادى.
“ەنەرگوسيستەما” جشس-نەن قوڭىراۋ شالىپ تۇرعانىن ايتقان الاياق ەسەپتەگىشتى اۋىستىرۋ ءۇشىن «1414» نومىرىنەن كەلەتىن كودتى ايتۋىن سۇراعان. كەيىن اقتوبەلىككە تاعى ءبىر ادام حابارلاسىپ, ءوزىن “بانك قىزمەتكەرىمىن” دەپ تانىستىرعان. ول ەر ادامنىڭ اتىنان الدەبىرەۋ نەسيە راسىمدەگەنىن جەتكىزگەن.
“الاياقتار اقشا ۇرلانۋىنىڭ الدىن الۋ ءۇشىن ەر ادامعا زاڭسىز قارىزدىڭ كۇشىن جويۋ ماقساتىندا اينالىق نەسيە راسىمدەپ, اقشانى قاۋىپسىز شوتقا اۋدارۋدى ۇسىنادى. ەر ادام الاياقتاردىڭ ايتقان تالاپتارىن تۇگەل ورىنداعان”, – دەپ مالىمدەدى اقتوبە وبلىسىنىڭ پوليتسياسى.
Stan.kz سالدارىنان الاياقتار جابىرلەنۋشىنىڭ اتىنان ءۇش بانكتەن نەسيە راسىمدەپ, كورسەتىلگەن شوتقا 7 ميلليون تەڭگە اۋدارعان.
بۇعان دەيىن الاياقتار وزدەرىن بالا رەتىندە تانىستىرىپ, قازاقستاندىقتاردى ميلليونداعان تەڭگەگە الداپ كەتكەن ەدى.
