Kompanııanyń burynǵy qyzmetkeri bastyǵynan ósh alý úshin sý satatyn mashınalardy búldirgen

Sý satatyn avtomattardy qasaqana búldirgen áıelge aıyppul salyndy. Ol tıyn salýǵa arnalǵan uıashyqtardy bitep, QR kodtary bar qaǵazdardy zaqymdaǵan, dep habarlaıdy Qandastar.kz.

Qostanaı soty sý satý avtomattaryn ornatatyn kompanııanyń burynǵy qyzmetkeri jaýapqa tartty. Burynǵy jumys berýshige degen renishiniń saldarynan ol kompanııanyń múlkine zııan keltirgen.

Áıeldiń sózinshe, burynǵy jumys ornynda eńbek kitapshasyn jáne jalaqysynyń bir bóligin bermegen.

«Sotqa áıeldiń QR kodtaryn búldirip, mashınalardy bitep tastaǵanyn rastaıtyn vıdeo-aıǵaqtar, fotosýretter jáne kýálardyń aıǵaqtary usynyldy. Sottyń qaýlysymen  Ákimshilik quqyqbuzýshylyq týraly kodekstiń 147-1-babynyń 1-bóligi “Bótenniń múlkine qasaqana zııan keltirý” boıynsha ákimshilik jaýapkershilikke tartylyp, oǵan 17 360 teńge ákimshilik aıyppul salyndy», – delingen habarlamada.

Áıel qańtarda jumystan shyǵyp ketken, al naýryz aıynda mashınalarda aqaýlar bastalǵan. Qala turǵyndary jumys istemeıtin sý mashınalaryna birneshe ret shaǵymdanǵan. QR kodtarymen tólem jasaýdy múmkin bolmady, al moneta qabyldaǵyshtar bitelip qaldy. Kompanııa qyzmetkerleriniń biri burynǵy qyzmetkerdiń áreketin vıdeoǵa túsirip alyp, dereý polıııaǵa habarlasqan.