الەم جاڭالىقتارى
قوناقۇيدە 30 ەر ادام ءجاسوسپىرىم قىزدى زورلاعان
فوتو: cursorinfo
ولاردىڭ جەتەۋى قاماۋعا الىندى.
ءيزرايلدىڭ تەل-اۆيۆ قالاسىنداعى قوناقۇيدە 30 ەر ادام 16 جاستاعى تۋريست قىزدى كەزەك-كەزەك زورلاعان, دەپ حابارلايدى Inbusiness.kz سايتى Aurora Israel باسىلىمىنا سىلتەمە جاساپ حابارلايدى.
ۇستالعانداردىڭ بارلىعى كامەلەتكە تولماعاندار ەكەنى ناقتىلاندى. قازىر ولاردان جاۋاپ الىنىپ جاتىر.
وقيعا ماۋسىم ايىنىڭ ورتاسىندا بولعان. جابىرلەنۋشى قىز قالاعا دوسىمەن بىرگە كەلگەن. زورلاعاندار الكوگولدىك ماساڭ كۇيدە بولعان دەگەن بولجام بار.
كۇدىكتىلەردىڭ ءبىرىنىڭ ايتۋىنشا, ولار ءتۋريستىڭ بولمەسىنىڭ ەسىگىنە ءتىزىلىپ, ونىمەن جىنىستىق قاتىناسقا ءتۇسۋ ءۇشىن بىرىنەن سوڭ ءبىرى ىشكە كىرگەن.
بۇل وقيعا الەۋمەتتىك جەلىلەر مەن يزرايلدىك باق-تا ۇلكەن رەزونانس تۋدىردى. ەلدىڭ تۇكپىر-تۇكپىرىندە نارازىلىق شارالارى باستالدى. شەرۋشىلەر سەكسۋالدىق زورلىق-زومبىلىق ءۇشىن جازانى كۇشەيتۋدى تالاپ ەتۋدە.
پرەمەر-مينيستر بينيامين نەتانياحۋ «بۇل جاس قىزعا جاسالعان ءجاي قىلمىس ەمەس, ادامزاتقا قارسى قىلمىس» دەدى. ول كىنالىلەردى جاۋاپقا تارتۋدى تاپسىردى.
