Qonaqúıde 30 er adam jasóspirim qyzdy zorlaǵan

Foto: cursorinfo

Olardyń jeteýi qamaýǵa alyndy. 

Izraıldiń Tel-Avıv qalasyndaǵy qonaqúıde 30 er adam 16 jastaǵy týrıst qyzdy kezek-kezek zorlaǵan, dep habarlaıdy Inbusiness.kz saıty Aurora Israel basylymyna silteme jasap habarlaıdy.

Ustalǵandardyń barlyǵy kámeletke tolmaǵandar ekeni naqtylandy. Qazir olardan jaýap alynyp jatyr.

Oqıǵa maýsym aıynyń ortasynda bolǵan. Jábirlenýshi qyz qalaǵa dosymen birge kelgen. Zorlaǵandar alkogoldik masań kúıde bolǵan degen boljam bar.

Kúdiktilerdiń biriniń aıtýynsha, olar týrıstiń bólmesiniń esigine tizilip, onymen jynystyq qatynasqa túsý úshin birinen soń biri ishke kirgen.

Bul oqıǵa áleýmettik jeliler men ızraıldik BAQ-ta úlken rezonans týdyrdy. Eldiń túkpir-túkpirinde narazylyq sharalary bastaldy. Sherýshiler seksýaldyq zorlyq-zombylyq úshin jazany kúsheıtýdi talap etýde.

Premer-mınıstr Bınıamın Netanıahý «bul jas qyzǵa jasalǵan jáı qylmys emes, adamzatqa qarsy qylmys» dedi. Ol kinálilerdi jaýapqa tartýdy tapsyrdy.