كوڭىلدەسىن ولتىرۋگە تاپسىرىس بەرگەن اۋداننىڭ ەكس-اكىم بوستاندىققا شىقتى

فوتو: “موي گورود”

تەرەكتى اۋدانىنىڭ بۇرىنعى اكىمى جەڭىس سەرىكقاليەۆ كوڭىلدەسىن ولتىرۋگە تاپسىرىس بەرگەنى ءۇشىن 11 جىلعا سوتتالعان. اراعا 8 جىل سالىپ قالعان وتەلمەگەن جازاسىن شارتتى جازاعا اۋىستىرۋدى سۇرادى. بۇل تۋرالى  qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

تەرەكتى اۋدانىنىڭ بۇرىنعى اكىمى جەڭىس سەرىكقاليەۆ وتەلمەگەن جازانى شارتتى جازامەن اۋىستىرۋ تۋرالى ءوتىنىش بەرگەن. سەرىكقاليەۆ سوت تاعايىنداعان 11 جىلدىڭ 8 جىلىن وتەدى. ول 2027 جىلدىڭ 14 ناۋرىزىندا بوستاندىققا شىعۋى كەرەك ەدى. الايدا ەكس-شەنەۋنىكتىڭ ناقتى جازاسى شارتتى جازاعا 2024 جىلدىڭ ءساۋىر ايىندا اۋىستىرىلعان. بىراق بۇل تۋرالى قازىر عانا بەلگىلى بولدى.

جەڭىس سەرىكقاليەۆ جازاسىن وتەۋ كەزىندە ءتارتىپ بۇزباعان, جۇمىس ىستەگەن, ءىس-شارالارعا قاتىسىپ, 15 رەت ماداقتاۋ العان.

ەسكە سالايىق, 2016 جىلدىڭ 23 اقپانىندا تەرەكتى اۋدانىنىڭ بۇرىنعى اكىمىنىڭ كوڭىلدەسىنە ەكى ەر ادام شابۋىل جاساپ, كوپتەگەن پىشاق جاراقاتىن سالعان. ايەل امان قالىپ, تەرەكتى اۋدانى تۇرعىن ءۇي-كوممۋنالدىق شارۋاشىلىعى باسقارماسىنىڭ باسشىسىنىڭ جۇرگىزۋشىسىن تانىدى. سوت بارىسىندا تەرەكتى اۋدانىنىڭ اكىمى جەڭىس سەرىكقاليەۆ دوسى تۇرعىن ءۇي-كوممۋنالدىق شارۋاشىلىعىنىڭ باسشىسى قوجامۇراتوۆقا كوڭىلدەسىن ولتىرۋگە تاپسىرىس بەرگەن. ويتكەنى ەكس-اكىم مەن ونىڭ كوڭىلدەسىنىڭ ورتاق قىزى بار ەكەن. ايەل ونى قىزىمەن بوپسالاعان. قوجامۇراتوۆ بۇيرىقتى ورىنداۋشى بولىپ, ايەلدى ءولتىرۋ ءۇشىن جۇرگىزۋشىسىن 500 مىڭ تەڭگەگە جالداعان.