جاڭالىقتار
كونستيتۋتسيالىق سوت قىلمىستىق-اتقارۋ زاڭناماسىنىڭ نورماسىن تەكسەرەدى
فوتو: اشىق دەرەككوز
كونستيتۋتسيالىق سوت قىلمىستىق-اتقارۋ زاڭناماسىنىڭ ۋاقىت بويىنشا قولدانىلۋى تۋرالى نورماسىن تەكسەرەدى, دەپ جازادى qandastar.kz
تەكسەرۋدىڭ قۇقىقتىق نەگىزى: قىلمىستىق-اتقارۋ كودەكسىنىڭ 2-بابىنىڭ ەكىنشى بولىگىنە سايكەس جازالاردى جانە وزگە دە قىلمىستىق-قۇقىقتىق ىقپال ەتۋ شارالارىن ورىنداۋ جانە وتەۋ, سوتتالعاندارعا تۇزەۋ قۇرالدارىن قولدانۋ, سونداي-اق بوساتىلاتىن سوتتالعاندارعا كومەك كورسەتۋ ولاردى ورىنداۋ كەزىندە قولدانىستا بولاتىن قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.
ءوتىنىش بەرۋشىنىڭ پىكىرى:
قىلمىستىق-اتقارۋ كودەكسىنىڭ نورماسى كونستيتۋتسيانىڭ جاۋاپكەرشىلىكتى بەلگىلەيتىن نەمەسە كۇشەيتەتىن, ازاماتتارعا جاڭا مىندەتتەر جۇكتەيتىن نەمەسە ولاردىڭ جاعدايىن ناشارلاتاتىن زاڭداردىڭ كەرى كۇشى بولمايدى دەگەن نورماسىنا سايكەس كەلمەيدى. سونىڭ سالدارىنان سوتتار سوتتالعانداردىڭ شارتتى تۇردە مەرزىمىنەن بۇرىن بوساتۋ تۋرالى ارىزدارىن قاراعان كەزدە ولاردىڭ جاعدايىن ناشارلاتۋى مۇمكىن بولسا دا, كەيىننەن, ۇكىمدى ورىنداۋ كەزەڭىندە كۇشىنە ەنگەن نورمالاردى قولدانادى.
ءوتىنىشتى قاراۋ جونىندەگى وتىرىسقا قاتىسقاندار:
ءوتىنىش يەلەرى, ادۆوكات, پارلامەنت پالاتالارىنىڭ, باس پروكۋراتۋرانىڭ, ىشكى ىستەر, ادىلەت مينيسترلىكتەرىنىڭ, پارلامەنتاريزم, زاڭناما جانە قۇقىقتىق اقپارات ينستيتۋتتارىنىڭ وكىلدەرى.
