Konstıtýııalyq Sot qylmystyq-atqarý zańnamasynyń normasyn tekseredi

Foto: ashyq derekkóz

Konstıtýııalyq Sot qylmystyq-atqarý zańnamasynyń ýaqyt boıynsha qoldanylýy týraly normasyn tekseredi, dep jazady qandastar.kz

Tekserýdiń quqyqtyq negizi: Qylmystyq-atqarý kodeksiniń 2-babynyń ekinshi bóligine sáıkes jazalardy jáne ózge de qylmystyq-quqyqtyq yqpal etý sharalaryn oryndaý jáne óteý, sottalǵandarǵa túzeý quraldaryn qoldaný, sondaı-aq bosatylatyn sottalǵandarǵa kómek kórsetý olardy oryndaý kezinde qoldanysta bolatyn Qazaqstan Respýblıkasynyń zańnamasyna sáıkes júzege asyrylady.

О́tinish berýshiniń pikiri:
Qylmystyq-atqarý kodeksiniń normasy Konstıtýııanyń jaýapkershilikti belgileıtin nemese kúsheıtetin, azamattarǵa jańa mindetter júkteıtin nemese olardyń jaǵdaıyn nasharlatatyn zańdardyń keri kúshi bolmaıdy degen normasyna sáıkes kelmeıdi. Sonyń saldarynan sottar sottalǵandardyń shartty túrde merziminen buryn bosatý týraly aryzdaryn qaraǵan kezde olardyń jaǵdaıyn nasharlatýy múmkin bolsa da, keıinnen, úkimdi oryndaý kezeńinde kúshine engen normalardy qoldanady.

О́tinishti qaraý jónindegi otyrysqa qatysqandar:
О́tinish ıeleri, advokat, Parlament Palatalarynyń, Bas prokýratýranyń, ishki ister, ádilet mınıstrlikteriniń, parlamentarızm, zańnama jáne quqyqtyq aqparat ınstıtýttarynyń ókilderi.