كونستيتۋتسيالىق سوت جەر كودەكسىنىڭ نورماسىن كونستيتۋتسياعا سايكەس ەمەس دەپ تانىدى

فوتو: اشىق دەرەككوز

كونستيتۋتسيالىق سوت ازاماتتىڭ جەر كودەكسىنىڭ 40-بابى 1-تارماعىنىڭ كونستيتۋتسياعا سايكەستىگىن تەكسەرۋ تۋرالى ءوتىنىشىن قارادى, وسى تارماققا سايكەس جەر پايدالانۋ قۇقىعى امبەباپ قۇقىقتىق ميراسقورلىق تارتiبiمەن زاڭ بويىنشا مۇراعا يە بولۋ كەزiندە نەمەسە زاڭدى تۇلعا قايتا ۇيىمداستىرىلعان جاعدايدا عانا اۋىسۋى مۇمكىن. وسيەت بويىنشا مۇراعا يە بولۋ كەزىندە جەر پايدالانۋ قۇقىعىنىڭ قۇقىقتىق ميراسقورلىعى اتالعان نورمادا كوزدەلمەگەن, دەپ جازادى qandastar.kz

تەكسەرۋگە مىنالار نەگىز بولعان:
كونستيتۋتسيالىق سوتقا جۇگىنگەن ءوتىنىش بەرۋشى شارۋا قوجالىعى مۇشەسى قۇرامىنا كىرگەن جۇبايى قايتىس بولعاننان كەيىن قالعان, شارۋا قوجالىعىن جۇرگىزۋگە نىسانالى ماقساتى بار ءتورت جەر ۋچاسكەسى تۇرىندەگى مۇراگەرلىك م ۇلىككە وسيەت بويىنشا مۇراگەر بولىپ تابىلادى. مۇرا الۋشىنىڭ ءوزى شارۋا قوجالىعىنىڭ مۇشەسى بولماعان.
جەر پايدالانۋ قۇقىعىنىڭ قۇقىقتىق ميراسقورلىعى ماسەلەسى بويىنشا ءوتىنىش بەرۋشى مەن باسقا مۇراگەرلەردىڭ اراسىنداعى داۋعا قاتىستى تومەن تۇرعان سوتتاردىڭ شەشىمدەرىن قاراۋ ناتيجەلەرى بويىنشا جوعارعى سوت جەر كودەكسىنىڭ اتالعان نورماسى نەگىزىندە ءوتىنىش بەرۋشىگە جەر پايدالانۋ قۇقىعىنىڭ وسيەت بويىنشا مۇراعا يە بولۋ كەزىندە امبەباپ قۇقىقتىق ميراسقورلىق تارتىبىمەن ءوتۋى مۇمكىن ەمەس دەگەن تۇجىرىمعا كەلدى.
ازامات ءوزى داۋ ايتىپ وتىرعان جەر كودەكسىنىڭ نورماسى كونستيتۋتسيانىڭ 14-بابىندا, 26-بابىنىڭ 2-تارماعىندا جانە 39-بابىنىڭ 3-تارماعىندا بەكىتىلگەن كونستيتۋتسيالىق قۇقىقتارى مەن كەپىلدىكتەرىن (زاڭ مەن سوت الدىندا جۇرتتىڭ ءبارى تەڭ; كەمسىتۋشىلىككە جول بەرىلمەيدى; مەنشىك, ونىڭ ىشىندە مۇراگەرلىك قۇقىعىنا زاڭمەن كەپىلدىك بەرىلەدى; اتالعان قۇقىقتار مەن بوستاندىقتار ەشبىر جاعدايدا دا شەكتەلۋگە جاتپايدى) بۇزا وتىرىپ, زاڭ بويىنشا جانە وسيەت بويىنشا مۇراگەرلەر اراسىندا نەگىزسىز ايىرماشىلىق تۋعىزادى دەپ ەسەپتەيدى.

كونستيتۋتسيالىق سوتتىڭ قورىتىندا شەشىمى:
جەر كودەكسىنىڭ اتالعان نورماسىنىڭ كونستيتۋتسياعا سايكەستىگىن تەكسەرۋ جانە قازاقستان رەسپۋبليكاسىنىڭ قولدانىستاعى قۇقىعىن تالداۋ ناتيجەلەرى بويىنشا كونستيتۋتسيالىق سوت جەر كودەكسىنىڭ نورمالارى جەر پايدالانۋ قۇقىعىنىڭ وسيەت بويىنشا مۇراعا يە بولۋ كەزىندە اۋىسۋىنا جول بەرمەۋ بولىگىندە كونستيتۋتسياعا سايكەس كەلمەيدى دەگەن تۇجىرىمعا كەلدى.
اتاپ ايتقاندا, كونستيتۋتسيالىق سوت كونستيتۋتسيانىڭ 39-بابى 3-تارماعىنىڭ قۇقىقتىق ماعىناسىن نەگىزگە الا وتىرىپ, جەر پايدالانۋ قۇقىعىنىڭ وسيەت بويىنشا مۇراعا يە بولۋ كەزىندە اۋىسۋى ەشبىر جاعدايدا شەكتەلمەۋگە ءتيىس دەپ كورسەتتى. وسيەت بويىنشا مۇراعا يە بولۋدى شەكتەۋ مۇرا قالدىرۋشىنىڭ ەرىك-قالاۋىن بۇزادى جانە مۇراگەرلەر اراسىندا كەمسىتۋشىلىك تۋعىزادى, تەڭدىك پەن قۇقىقتىق ايقىندىلىقتىڭ كونستيتۋتسيالىق قاعيداتتارىن بۇزادى, سونداي-اق زاڭنامادا بەكىتىلگەن م ۇلىككە مۇراگەرلىك تۋرالى ەرەجەلەرگە قايشى كەلەدى.
وسى جازىلعانداردىڭ نەگىزىندە, كونستيتۋتسيالىق سوت جەر كودەكسىنىڭ 40-بابى 1-تارماعىنىڭ ەرەجەسى «زاڭ بويىنشا» دەگەن سوزدەر بولىگىندە كونستيتۋتسياعا سايكەس كەلمەيدى دەپ تانىدى جانە سوتتار مەن وزگە دە قۇقىق قولدانۋ ورگاندارىنىڭ جەر كودەكسىنىڭ وسى ەرەجەسىنە نەگىزدەلگەن شەشىمدەرى ورىندالۋعا جاتپايدى جانە بەلگىلەنگەن تارتىپپەن قايتا قارالۋعا ءتيىس دەپ قاۋلى شىعاردى.