Konstıtýııalyq Sot Jer kodeksiniń normasyn Konstıtýııaǵa sáıkes emes dep tanydy

Foto: ashyq derekkóz

Konstıtýııalyq Sot azamattyń Jer kodeksiniń 40-baby 1-tarmaǵynyń Konstıtýııaǵa sáıkestigin tekserý týraly ótinishin qarady, osy tarmaqqa sáıkes jer paıdalaný quqyǵy ámbebap quqyqtyq mırasqorlyq tártibimen zań boıynsha muraǵa ıe bolý kezinde nemese zańdy tulǵa qaıta uıymdastyrylǵan jaǵdaıda ǵana aýysýy múmkin. О́sıet boıynsha muraǵa ıe bolý kezinde jer paıdalaný quqyǵynyń quqyqtyq mırasqorlyǵy atalǵan normada kózdelmegen, dep jazady qandastar.kz

Tekserýge mynalar negiz bolǵan:
Konstıtýııalyq Sotqa júgingen ótinish berýshi sharýa qojalyǵy múshesi quramyna kirgen jubaıy qaıtys bolǵannan keıin qalǵan, sharýa qojalyǵyn júrgizýge nysanaly maqsaty bar tórt jer ýchaskesi túrindegi muragerlik múlikke ósıet boıynsha murager bolyp tabylady. Mura alýshynyń ózi sharýa qojalyǵynyń múshesi bolmaǵan.
Jer paıdalaný quqyǵynyń quqyqtyq mırasqorlyǵy máselesi boıynsha ótinish berýshi men basqa muragerlerdiń arasyndaǵy daýǵa qatysty tómen turǵan sottardyń sheshimderin qaraý nátıjeleri boıynsha Joǵarǵy Sot Jer kodeksiniń atalǵan normasy negizinde ótinish berýshige jer paıdalaný quqyǵynyń ósıet boıynsha muraǵa ıe bolý kezinde ámbebap quqyqtyq mırasqorlyq tártibimen ótýi múmkin emes degen tujyrymǵa keldi.
Azamat ózi daý aıtyp otyrǵan Jer kodeksiniń normasy Konstıtýııanyń 14-babynda, 26-babynyń 2-tarmaǵynda jáne 39-babynyń 3-tarmaǵynda bekitilgen konstıtýııalyq quqyqtary men kepildikterin (zań men sot aldynda jurttyń bári teń; kemsitýshilikke jol berilmeıdi; menshik, onyń ishinde muragerlik quqyǵyna zańmen kepildik beriledi; atalǵan quqyqtar men bostandyqtar eshbir jaǵdaıda da shektelýge jatpaıdy) buza otyryp, zań boıynsha jáne ósıet boıynsha muragerler arasynda negizsiz aıyrmashylyq týǵyzady dep esepteıdi.

Konstıtýııalyq Sottyń qorytynda sheshimi:
Jer kodeksiniń atalǵan normasynyń Konstıtýııaǵa sáıkestigin tekserý jáne Qazaqstan Respýblıkasynyń qoldanystaǵy quqyǵyn taldaý nátıjeleri boıynsha Konstıtýııalyq Sot Jer kodeksiniń normalary jer paıdalaný quqyǵynyń ósıet boıynsha muraǵa ıe bolý kezinde aýysýyna jol bermeý bóliginde Konstıtýııaǵa sáıkes kelmeıdi degen tujyrymǵa keldi.
Atap aıtqanda, Konstıtýııalyq Sot Konstıtýııanyń 39-baby 3-tarmaǵynyń quqyqtyq maǵynasyn negizge ala otyryp, jer paıdalaný quqyǵynyń ósıet boıynsha muraǵa ıe bolý kezinde aýysýy eshbir jaǵdaıda shektelmeýge tıis dep kórsetti. О́sıet boıynsha muraǵa ıe bolýdy shekteý mura qaldyrýshynyń erik-qalaýyn buzady jáne muragerler arasynda kemsitýshilik týǵyzady, teńdik pen quqyqtyq aıqyndylyqtyń konstıtýııalyq qaǵıdattaryn buzady, sondaı-aq zańnamada bekitilgen múlikke muragerlik týraly erejelerge qaıshy keledi.
Osy jazylǵandardyń negizinde, Konstıtýııalyq Sot Jer kodeksiniń 40-baby 1-tarmaǵynyń erejesi «zań boıynsha» degen sózder bóliginde Konstıtýııaǵa sáıkes kelmeıdi dep tanydy jáne sottar men ózge de quqyq qoldaný organdarynyń Jer kodeksiniń osy erejesine negizdelgen sheshimderi oryndalýǵa jatpaıdy jáne belgilengen tártippen qaıta qaralýǵa tıis dep qaýly shyǵardy.