«كوپىردەن سەكىرەمىن دەپ قورقىتتى»: ۇلاندىقتار قىز بالانى قۇتقارىپ قالدى

ۇلاندىقتار كوپىردەن سەكىرمەكشى بولعان قىزدى امان الىپ قالدى, دەپ حابارلايدى qandastar.kz.

شىمكەنت قالاسىنىڭ ەڭبەكشى اۋدانىندا قوعامدىق ءتارتىپتى قاداعالاۋ كەزىندە ۇلتتىق ۇلاننىڭ 6506 اسكەري ءبولىمىنىڭ جاۋىنگەرلەرى كوپىر قورشاۋىنىڭ سىرتىندا جاس قىزدىڭ تۇرعانىن كورەدى.

قاۋىپتى تۇسىنگەن اسكەري جاساق راتسيا ارقىلى كوپىرگە جاقىن جەردە قىزمەت اتقارىپ جۇرگەن پاترۋلدىك توپ باستىعى قاتارداعى جاۋىنگەر راۋلان وتەباەۆقا شۇعىل اقپارات بەرەدى. ول دەرەۋ ءپاترۋلشى جاۋىنگەرلەر ارىستانبەك انارباي مەن دۋلات اۋعانباەۆتى ەرتىپ, اتالعان ورىنعا جەدەل باردى.

– كوپىردەن سەكىرۋگە تىرىسقان قىزدى كورگەندە, بىردەن وعان بەت الدىق. وسى ۋاقىتتا ول كوپىر قورشاۋىنىڭ سىرت جاعىندا تۇردى. جاقىنداي بەرگەنىمىزدى كورىپ, كوپىردەن سەكىرەمىن دەپ قورقىتتى, – دەيدى راۋلان.

ۇلاندىقتار قىزبەن اقىرىن سويلەسىپ, اڭگىمەگە تارتا وتىرىپ, قىزدىڭ رايىنان قايتارۋعا تىرىسقان. الايدا ول قارسىلىق بىلدىرگەن. وڭتايلى ءسات تۋعاندا راۋلان وتەباەۆ قىزدى ۇستاپ الىپ, قورشاۋدان تارتىپ شىعارعان. قاۋىپسىز جەرگە اپارىپ, ونى بارىنشا تىنىشتاندىرعان. بويجەتكەندى پوليتسيا قىزمەتكەرلەرىنە تاپسىردى.