«Kópten kútken balasyn óltirdi»: Gorkıı parkinde óz-ózine qol jumsaǵan áıel týraly tyń derek shyqty

Almaty oblysy Ile aýdany Arman aýylynyń Iýlııa atty turǵyny 24 maýsymda qaladaǵy demalys saıabaǵynda ózine qol jumsady. Ol sholý dóńgeleginen sekirip, sol jerde mert boldy. Keıinirek, ol úıinde 5 jasar qyzyn tunshyqtyryp óldirdi degen aqparat shyqty,-dep habarlaıdy Qandastar.kz

Saıabaqqa barǵanǵa deıin ol 2018 jyly týǵan qyzy Varvarany úıinde tunshyqtyryp óltirgen.

Kórshileri Iýlııanyń turmystyq jaǵdaıynyń jaqsy bolǵanyn, eshqandaı urys-keris estimegenderin aıtady. Iýlııanyń kúıeýi IT mamany bolyp jumys isteıdi. Olardyń otbasylyq jaǵdaıy jaqsy bolǵan, jaqynda ǵana kólik satyp alǵan. Jylyny bir ret shetelge demalýǵa baratyn.

Olar bul aýylda 10 jyldaı turǵan. Almatyda da páterleri bar.

Otbasy sábılerin uzaq kútken. Kórshileri ata-anasynyń qyzyna barlyq jaǵdaıyn jasap, aýla ishine basseın men tóbeshik ornatqanyn aıtty. Bul otbasynyń taǵdyry osylaı bolatynyn eshkim oılamaǵan da.

Kórshileri Iýlııanyń qyzyn únemi jetektep júretinin, keıde jazdyń ystyǵynda qalyń kıim kıetinin baıqaǵan, biraq psıhıkalyq aýytqýy týraly eshteńe estimegen.

«О́zi de, kúıeýi de qyzdaryn únemi jetektep júretin. Marqum áıel ystyq kezde qalyń kıimmen júretin. Aıaǵyna qalyń qystyq etik kıip alyp júrgenin barlyq kórshiler birneshe ret kóripti. Qyzyn da qalyń kıindirip qoıatyn. Biraq psıhıkalyq aýrýy týraly estigen joqpyz. Syrt kózge tym jaqsy otbasy», – dedi Sarbınoz esimdi kórshisi.

Iýlııa ápkesi Iana Afonınaǵa baryp, qyzyn óltirgenin aıtqan soń, qashyp ketken. Iana dál sol Maksım Gorkıı atyndaǵy saıabaqtyń mańynda turatyn. Polıııaǵa da bul týraly Iana habarlady. Bul týraly kórshileri de bilmegen.

Qyzyn óltirip, artynan óz-ózine qol jumsaǵany týraly aýyl turǵyndary tek polıııa kelip, kýá retinde sózge tartylǵan kezde bildi.

«Biz polıııa kelgen kezde úıge kirdik. Ákesi ózine qol jumsap qoımasyn, qarap qoıyńyzdar degen soń kirdik. Ákesi ún-túnsiz dıvanda jatyr eken. Ol jumystan kelipti. Kishkentaı Varvaramen úlken nemerem únemi oınaıtyn. Biraq eshbir kemshilik baıqaǵan emespiz», – dedi taǵy bir kórshisi Olga.

Polıııa oqıǵaǵa qatysty tergeý júrgizip jatyr, biraq basqa aqparat jarııalanǵan joq.