Koreıadaǵy kınofestıvalde «Qajymuqan» fılmi 2 júldege ıe boldy

Qazaqstandyq «Qajymuqan» tarıhı kınotýyndysy Seýlde ótken halyqaralyq kınofestıvalde qos júldeni jeńip aldy. Fılm «Eń úzdik fılm» nomınaııasy boıynsha Gran-prı, týyndyda oınaǵan akter Erbol Tólepbergen «Úzdik basty ról» júldesin ıelendi, dep habarlaıdy Qandastar.kz

Fılm Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirilgen.

«Qajymuqan» – qazaqtyń tuńǵysh chempıony, aty ańyzǵa aınalǵan balýan Qajymuqan Muńaıtpasovtyń ómir jolyn baıandaıtyn tarıhı drama. Týyndyda sportshynyń kúres álemindegi jetistikteri ǵana emes, onyń ult rýhyn kóterýdegi róli men adamı bolmysy keńinen sýretteledi.

Fılmniń senarıı jumystary 2012 jyly bastalǵan. Rejısser Qanaǵat Mustafın 10 jyldan astam ýaqyt zertteý júrgizip, arhıv derekteri men tarıhı málimetterdi jınaqtaǵan. 2020 jyly túsirilimge kirisken. Rejısser fılm arqyly tek tarıhı derekterdi kórsetip qana qoımaı, Qajymuqannyń rýhyn, adamdyq beınesin, elge degen mahabbatyn jetkizgisi kelgenin aıtady.

Buǵan deıin fılm Italııada ótken XXIX Halyqaralyq IPAAF – Apoxiomeno kınofestıvalinde de joǵary baǵalanyp, birneshe marapatqa ıe bolǵan. Sondaı-aq fılm ótken jyly Qazaqstanda keń kólemde prokatqa shyqty jáne Qazaq kınosynyń onkúndigi aıasynda da el óńirlerinde kórsetilip keledi.

Aıta keteıik, 11-shi Seýl halyqaralyq «WebFEST» 28 elmen áriptestik ornatqan. Festıval zamanaýı veb-kontentti damytýǵa baǵyttalǵan jáne búkil álem boıynsha onlaın kórsetilimder uıymdastyrady.

Bıyl is-sharaǵa 21 nomınaııa boıynsha 160 shyǵarma usynyldy, onyń ishinde 20-sy koreı, 22-si shetel týyndylary.