Jańalyqtar
Qorǵa senip qor bolǵandar: Ilııas Sarıev kimdi aldap júr?
Foto: beıneden kadr
Ýaqyt ótken saıyn qaıyrymdylyq qorlarynan paıda emes, japa shekkender kóbeıip barady. Eldiń «emine beremiz, úı alamyz» dep máre-sáre bolǵan kóńilin qoǵamdyq qor jetekshileri sý sepkendeı basyp jatyr, dedi qandastar.kz
Mysaly, jýyrda ǵana alaıaqtyǵy úshin qamalǵan «Elge kómek ber» qaıyrymdylyq qorynyń jetekshisi Ilııas Sarıevke aldanǵandardyń kóp ekeni belgili boldy. Osy jaıly tolyǵyraq Orda.kz tilshisi tarqatyp aıtady.
«Elge kómek ber» qaıyrymdylyq qorynyń halyq aldyna shyǵyp, áleýmettik jeli arqyly emge nemese úıge dep qarajat jınap kele jatqanyna 4-5 jyl bolyp qaldy. Áý basta tirlikteri myǵym ujymnyń sońǵy jyldardaǵy isterine qarasaq, «qaıyrymsyz» qorǵa aınalyp ketkendeı. Jylaǵannyń jasyn súrtken, jetimniń jyrtyǵyn jamaǵan qaıyrymdylyq qory ýaqyt óte kele táspisinen jańyldy. Áleýmettik jelide qor jetekshisi Ilııas Sárıevke aldanǵandardyń ýáji kún sanap artyp keledi
Qorǵa senip qor bolǵandar
Aınur Janádilova — qazaqtyń «Robın Gýdyna» aldanǵandardyń biri. Úsh balanyń anasy emge jınalǵan qarajatty sol kúıi ala almapty. Orda.kz tilshisi Aınur Janádilovadan mán-jaıdy surady.
Eki uldan keıin týylǵan Mereılim Baýyrjanqyzy taǵdyrdyń synaǵyna ushyrady. Anasy júkti kezinde bári jaqsy bolǵan. ÝZI tekserýinde ishtegi balanyń daqtary baıqalmaǵan. Mereılim denesine 80% úlken qara daq túsken kúıi dúnıege keldi. Basynda náresteniń arqasyndaǵy daq tegis bolypty. Alaıda 7 aıdan keıin Mereılimniń artyndaǵy qara daq isip ketedi. Balasynyń densaýlyǵyna alańdaǵan ata-ana em alý joldaryn qarastyrady. Ilııas búldirshinniń ata-anasyna ózi birinshi bolyp habarlasypty.
«Bizdi qaıdan tapqanyn bilmeımin. Birinshi bolyp ózi habarlasty. Biz ol kúni Astanada «Ana men bala» ortalyǵynda jatqan edik. Qyzymdy beınejazbaǵa túsirip jiberýimdi surady. Men túsirip jiberdim. Ertesi kúni ol ınstagramyna saldy. Byltyr qarashanyń 14-i bolatyn. Solaı halyqtan aqsha jınaı bastady», — deıdi Mereılimniń anasy.
Aınur bir aptadan soń, Ilııasqa habarlasyp, jınalǵan qarajatty ózine salýyn ótinipti. Sebebi Mereılimniń em alatyn ýaqyty taıap qalǵan edi. Biraq Ilııas qarajatty salýǵa ýáde bergenimen, bir tıyn da jibermepti.
«Naqty qansha qarajat jınalǵanyn aıtpady. Biraq ınstagramǵa beınejazbany salǵanyna eki kún ótkennen keıin, suraǵanymda 1 mln 700 myń jınalǵanyn aıtty. Men emge barýym kerek edi. 700 myń jetpeı turǵan. Áne salam, mine salamyn dedi. Sol kúıi úmitimdi úzdim. Bizge 40-50 mln teńge kerek. Qaıyrymdylyq qor ǵoı dep qatty qýanyp edik», — dedi anasy.
Qyzynyń emine jınalǵan qarajatty ala almaǵan ana aryz jazýǵa bekingen. Zańger Nursultan Orynbekovtiń kómegimen 5 adam aryz jazady. Alaıda Aınur Janádilova is qaralmaǵanyn aıtty.
«IIM-ne 5 adam bolyp aryz jazdy. Asa mańyzdy ister jónindegi tergeýshige ótti. Aryzdy aýdandarǵa joldady. Astana qalasy Nura aýdany polıııa bóliminde is qaralǵanymen eshqandaı áreketter jasalmady. Al onyń sebebin bizge túsindirmedi. Qazir Ilııas ustaldy. Endi maǵan júgingen adamdar Almaly aýdany polıııa bólimshesine aryzdy qaıta joldaıtyn boldy», — dep túsindirdi Nursultan Orynbekov.
Ilııas Sarıev áleýmettik jelide Aınurǵa jazǵan hatynyń bárin óshirip tastaǵan. Tipti balasynyń densaýlyǵyn ýaıymdap shyryldaǵan anany qara tizimge engizip tastapty. Bir qyzyǵy byltyr qarashada bastalǵan jylý jınaý elge_komek_ber ınstagram paraqshasynda áli tur.
Qaıyrymsyz qordan kúder úzgen Aınur Janádilova qyzyna birinshi otany jasatqanyn aıtty. Mereılimdi alda 14 ota kútip tur eken. Dáriger 4-5 jyl ýaqyt ketetinin aıtqan. Dúnıege kelgenine 1 jas 5 aı tolǵan qyzǵa ár 6 aı saıyn ota jasalýy kerek. Mereılim álemde sırek kezdesetin aýrýmen aýyrady. Melano pishindi gıgant nevýs — klınıkalyq qońyr, qyzǵylt nemese kók sımmetrııaly úlken daq. Onyń keıbiri qaýipsiz bolsa, al keıbirinde klınıkalyq nemese anamnestıkalyq qaýip faktorlary bolady eken.
Robın Gýdtyń alǵashqy bylyǵy
Ilııas Sarıevten alǵashqy bop kúdiktengenderdiń biri — biz joǵaryda atap ótken zańger, Qarjylyq monıtorıng agenttiginiń qoǵamdyq keńes múshesi Nursultan Orynbekov. Ol áleýmettik jeli arqyly Ilııas Sarıevtyń kesirinen 3 adamnyń ajal qushqanyn aıtty. Tipti zardap shekken otbasylarmen tildesip, tikeleı efır júrgizdi.
Mysaly, Ilııas Aınur esimdi kelinshektiń qolyna 3 mln teńge ustatyp, emge bara ber dep jibergen. 17 mln qarajat jınalǵanyn, qalǵanyn em bastalǵanda salyp jiberetinine ýáde bergen. Alaıda naýqas áıel Úndistanǵa ketkennen keıin, Sarıev te habar-osharsyz ketedi.
«Men alǵash ret Úndistanǵa em alýǵa ketip, emge qarajat salynbaǵannan keıin qaıtys bolǵan kelinshektiń oqıǵasyn jelige saldym. Tikeleı efır túsirdim. Osy jaǵdaıdan keıin maǵan 15 shaqty adam aldanǵandaryn jazdy. Búkil senarııi birdeı. Olardyń aıtýynsha, Ilııas emi joq aýrý adamdardyń dıagnozyn bilip, aıanyshty beınejazba túsiredi. Keıin ol ómirden ótip ketkennen keıin, aqshasy ózderinde qalady eken. Mysaly, Qarlyǵash esimdi kelinshek bar. Ákesi jaman aýrýmen aýyryp ómirden ótti. Alaıda beınejazbasy áli kúnge deıin áleýmettik jelide tur. Naýqas kisi ómirden ótken soń, qyzy «ákemniń arýaǵy qorlanbasyn» dep beınejazbany óshirýdi ótinedi. Alaıda qoǵamdyq qor aqsha da bermegen, beınejazbany da óshirmegen», — deıdi zańger.
Alaıda osy ýaqytqa deıin Ilııas Sarıev jaǵdaıdy sheshetinin, qarajattardy qaıtaryp beretinin aıtyp keldi. Sol sebepti bolar, áli kúnge deıin qaıyrymdylyq qor jetekshisin aqtap alatyndar kóp.
«Men sol qaza bolǵan adamnyń týystarymen sóıleskenimdi ınstagramǵa salǵanda Ilııas «Astanadamyn, áýejaıǵa kelemin» dedi. Biraq kelmedi. Keıin «janazasyna baramyn» dedi. Oǵan da kelmedi. Alaıda áleýmettik jelide maǵan qarsy shabýyl jasady. Jala japty. Eshqandaı negizsiz meni de «alaıaq» dep kórsetti. Biraq onysynan eshteńe shyqpady, oǵan jala japqany úshin de aryz túsirdim. Bizdiń halyqtyń senimine kirý óte ońaı. Dálel keltirip, 3 adamnyń ólimine sebepker boldy dep tikeleı efır arnasaq ta, ony jaqtaıtyndar tabyldy. Polıııa ustaǵannan keıin kózderi jetti dep oılaımyn. Biraq áli kúnge Ilııasty qorǵap jatqandar bar. Biz «qazaǵym, qazaǵym» dep kóz jasyn tókse senip qalamyz», — dedi zańger.
Sengen serkem sen bolsań…
Qoǵamnyń kóńiline kirbiń uıalatqan taǵy bir jaǵdaıdy baıandaıyq. Jýyrda ǵana jýrnalıst Rýslan О́tepbaı qaıyrymdylyq qordyń Bekzat esimdi ekinshi toptaǵy múgedek balanyń baspanasyn tabystamaǵanyn aıtty. Bul jaǵdaı da 2024 jyly bolǵan. Ilııas Bekzatty beınejazbaǵa túsirip, halyqtan qarajat jınaıdy. Kóp ótpeı balanyń úıli bolǵanyn aıtyp jarııaǵa jar salady. Alaıda «úıli bolǵan» Bekzat baspanasynyń tabaldyryǵyn da attamaǵan. Biraq Ilııas Sarıev úıdi beretinine ýáde berip, Bekzattyń ájesine «úıdi aldyq» dep ótirik aıtyp, beınejazbaǵa túsýin suraıdy. «Meniń Bekzatyma úı berdi. Rızamyn. Alǵa qazaqtyń Robın Gýdy. Ilııasym» degen keıýana aıtqan endi sózderine ókinip otyr. Onyń aıtýynsha, Ilııas Bekzatqa 20 mln teńgege alynǵan úıdiń betin de kórsetpegen.
Ilııas Sarıevtyń taǵy bir bylyǵyn jýrnalıst Gúlmıra Ábiqaı osydan 4 aı buryn áshkereledi. Ol týraly Orda.kz saıty da aqparat taratty. Jýrnalıstke Uljan esimdi almatylyq kelinshek habarlasyp, qaıyrymdylyq qordyń aqsha jınap, ol aqshany óz múddelerine jumsap jibergenin aıtqan.
«Elge kómek» qaıyrymdylyq qory «osy apaǵa úı alyp bereıik, bir qazaq úıli bolsyn» dep beınejazba túsirdi. Bárimiz sendik. Keıin «apaǵa úı aldyq, osynsha aqsha jınaldy» dep esep berdi. Apany 3-4 aı kórmedik. Biraq bir kúni taǵy qaıyr surap otyrǵanyn kórdim. Janyna baryp «apa úıińiz bar, nege taǵy shyqtyńyz?» dep suradym. Ol kisi báriniń ótirik ekenin aıtty», — deıdi kelinshek.
Kelinshektiń aıtýynsha, qaıyrymdylyq qory qarııany jaldamaly páterge ornalastyryp, 3-4 aılyq páteraqysyn tólegen. Keıin merzimi bitkesin, qarııany páterden shyǵaryp jibergen. Osy jaǵdaıdan keıin Ilııas Sarıev Gúlmıra Ábiqaımen kezdesedi. Baǵdarlamada jýrnalıstiń suraqtarynan jaltarǵan jigit mardymdy jaýap qaıyrmaıdy. Gúlmıra Ábiqaıdyń aıtýynsha, Ilııas 200-den asa adamǵa ýáde berip, aqshasyn qaıtarmaǵan kórinedi. Bul týraly Gúlmıra Ábiqaı Rýslan О́tepbaıdyń Bekzat týraly salǵan reels-ynyń pikir bólimine jazdy.
Ilııas Sarıev naqty qaı aryzdyń arqasynda ustaldy?
«Elge kómek ber» qaıyrymdylyq qorynyń jetekshisi Ilııas Sarıev jýyrda ǵana ustaldy. Polıııa Orda.kz saıtyna aqparatty rastady.
«Almaly aýdandyq polıııa basqarmasyna qarasty bólimde alaıaqtyq deregi boıynsha qylmystyq is qozǵaldy. Jan-jaqty ári obektıvti tergeýge baǵyttalǵan birqatar tergeý sharalary júrgizilip jatyr. Nátıjesinde proessýaldyq sheshim qabyldanady», dep málimdedi polıııa.
Buǵan deıin zańger men jýrnalıster kótergen máselege miz baqpaǵan polıııa, Ilııasty bir top adamdy qajylyqqa jibermegen kompanııany jarnamalaǵany úshin ustaǵan bolýy múmkin.
Búginde qajylyǵyn ótep, qasıetti mekende júrýi kerek bolǵan Zarına Nurǵazıevamen suhbattastyq. Ol joldasyna syılyq retinde Makkah&Medina travel kompanııasy arqyly qajylyqqa bılet alady. Keıin erli-zaıypty qasıetti mekenge birge barmaqshy bolady. Nátıjesinde bul otbasy qasıetti sapar úshin 1 mln 200 myń teńge jumsaıdy. Soraqysy 6 sáýir kúni jolǵa shyǵý kerek bolǵan bir top adam sapardan qaǵyldy. Bul kompanııany Ilııas Sarıev jarnamalaǵan. Al kompanııa basshysy — Aqtoty Dúıseeva.
«Basynda Ilııas «bul kompanııanyń abyroıy úshin men jaýap beremin» dep aldymyzǵa keldi. 2 kún ýaqyt berýimizdi, aqshamyzdy qaıtaratynyn aıtty. Al 9 kúni «aqshalaryńdy kompanııa basshysy qaıtarady» dedi. Sol kúni eshqandaı ýáde oryndalmaǵandyqtan aýdandyq ishki ister bólimine bardyq. Ilııas qaıta ýáde bere bastady. Biz aqshany qazir qaıtarýyn talap ettik. Aqtotynyń (kompanııa basshysy) qaıda ekenin suradyq. Ilııas onyń Astanada ekenin aıtty. Keıin tergeýshi Ilııastyń telefonymen habarlasyp, «tez jetińiz» dep edi, Astanadaǵy Aqtoty 20 mınýtta kirip keldi. Aqshanyń bári Aqtotyǵa túsken. Olar «menedjerler kináli» dep shyqty. Bolmaǵasyn «aqsha aınalymda» dedi. Ne dep aqtalaryn bilmeı, «Ilııaspen jeke sóılesýim kerek» dep shyqty», — deıdi Zarına Nurǵazıeva.
Keıin Aqtoty bir top adamǵa aqshany qaıtaratynyn aıtyp, «aqsha izdep keleıin» dep ketip qalady da, sol kúıi habar úziledi. Aqsha da, Aqtoty da joq. Keıin qajylyqqa baram dep qapy qalǵandar tergeýshilerdiń isine kóńilderi tolmaı, prokýratýraǵa kiredi. Prokýratýra isti dereý qolǵa alýdy tapsyrady. Ilııas sol kúni ustalady. Endi bir top adam kompanııa basshysynyń áli kúnge ustalmaǵanyna narazylyq tanytyp otyr.
Keıipkerimiz Makkah & Medina travel kompanııasynyń buǵan deıin de olqylyqtary bolǵanyn aıtty.
«Bizdiń aldymyzda baryp kelgen adamdardy eki kúnnen keıin qonaq úıden shyǵaryp jibergen. Olar dalada qalǵan. Dalada, meshitte qonypty. Buǵan deıin de ár sapar kezinde 2-3 adam belgisiz sebeptermen qalyp ketip otyrǵan. Biraq eshkim eshteńe demegen. Men áleýmettik jelige shyǵyp, bolǵan jaǵdaıdy aıtqannan keıin, «biz ǵana emes ekenbiz» dep shyqqandar kóp boldy. Bul kompanııa bıletterdi de árkimge ártúrli baǵada satqan. Menedjerler aqshany ózderine saldyrtyp alǵan. Sebebi basshylary qyzmetkerlerine aılyq ta bermegen», — deıdi Zarına Nurǵazıeva.
Zańger Nursultan Orynbekov Ilııas Sarıevtiń qylmysy 190 baptyń 4-tarmaǵymen qaralady dep esepteıdi. Ol boıynsha qoǵamdyq qor jetekshisi 10 jylǵa deıin bas bostandyǵynan aıyrylýy múmkin.
«Is qylmystyq top bolyp qarastyrylýy múmkin. Sebebi aqsha aýdarylǵan Aqtoty degen qyzdyń da esimi jıi atalady. Onyń qoryn jarnamalaǵandar bar, onymen birge júrgender bar, tipti qylmysyn bile tura tis jarmaǵan mobılograftar da jaýapqa tartylýy múmkin», — dedi ol.
Elimizde qaıyrymdylyq atyn jamylǵan «qaıyrymsyz» qorlar kóp. Bir ǵana Almaty qalasynyń ózinde 300-ge tarta qor bar eken. Alaıda resmı tirkelgender sany — 100-ge jýyq. Onyń ishinde áleýmettik baǵytta jumys isteıtinderi — 35 qor. Eske salaıyq, «Biz birgemiz» qaıyrymdylyq qorynyń jetekshisi Perızat Qaırat ta jınalǵan qarajatty jeke basyna jumsap jibergeni úshin qamaldy. Onyń anasy da sybaılasy retinde ustaldy. Qoǵamdyq qorlardan bólek jeke dara blogerler de úı alyp berý, emge jiberý jeleýimen halyqtan jylý jııýyn toqtatpaı tur. Túsken qarajat boıynsha esep beretinderi az. Qaı aqsha qaltaǵa, qaı aqsha qaıyrymdylyqqa ketip jatqany beımálim. Sadaqa berdik dep kóńili jaı tapqan halyqtyń qyrýar qarajaty tıisti orynǵa jetse ıgi bolar edi.
