Qorǵanys mınıstri taǵy bir qyzmetke saılandy

Foto:gov.kz

QR Qorǵanys mınıstri Rýslan Jaqsylyqov Qazaqstannyń sporttyq jáne jaýyngerlik sambo federaııasynyń basshysy bolyp saılandy, dep jazady qandastar.kz

Rýslan Jaqsylyqovtyń kandıdatýrasyna federaııanyń barlyq músheleri biraýyzdan daýys berdi. Ol bul qyzmetke Aıdos Aqjanovtyń ornyna keldi.

Qoǵamdyq birlestiktiń jańa basshysy Rýslan Jaqsylyqov – dzıýdodan KSRO sport sheberi, birneshe dúrkin chempıon, sambo men dzıýdodan respýblıkalyq jáne halyqaralyq jarystardyń júldegeri.

– Federaııa múshelerine nátıjeli jumysy men maǵan kórsetken senimi úshin alǵysymdy bildiremin. Sporttyq jáne jaýyngerlik sambo áskerı jáne quqyq qorǵaý qyzmetinde jeke quramdy daıarlaý júıesinde sátti qoldanylady. Biz sporttyń bul túrin, onyń ishinde áskerı-qoldanbaly sport retinde keń kólemde damytýǵa úlken kúsh salamyz, – dedi general-polkovnık Rýslan Jaqsylyqov.

Federaııanyń jańa prezıdenti aldaǵy josparyn jarııalady.

– 2025 jyly sambo TMD-ǵa qatysýshy memleketter Dostyq armııalarynyń áskerı-sporttyq oıyndarynyń baǵdarlamasyna jáne Qazaqstan Qarýly kúshteriniń spartakıadasyna engiziledi. Sondaı-aq jastarǵa áskerı-patrıottyq tárbıe berý maqsatynda keshendi sporttyq is-sharalar, onyń ishinde QR Qorǵanys mınıstriniń kýbogyna sambodan ashyq respýblıkalyq týrnır ótkizý josparlanǵan. Baýyrjan Momyshuly atyndaǵy Almaty áskerı-sport kolledjinde sambo bólimshesin ashý josparda bar. Onda kóp balaly otbasylar, áskerıler men aýyl jastarynyń balalaryna artyqshylyq beriledi. Sporttyń bul túrin jappaı damytý maqsatynda Qarýly kúshter qataryna jaýyngerlik sambodan maman-nusqaýshylardy shaqyramyz, – dedi federaııa prezıdenti.

Aımaqtyq federaııalar da damıtyn bolady. Búginde 1100-diń ústindegi sekııada qyryq myńnan astam adam sambomen shuǵyldanady.

Halyqaralyq sambo federaııasyna kiretin Federaııa sporttyq jáne jaýyngerlik sambony jappaı damytýǵa, sondaı-aq qazaqstandyq sambısterdiń halyqaralyq jarystarda óner kórsetýiniń nátıjeliligine barynsha kúsh samaq.