Qorǵanys mınıstriniń áıeli bir top sarbazdy jınap alyp, beınebaıan túsirgen

Kúni keshe Qorǵanys mınıstrliginiń resmı ókili Rýslan Janǵulın mınıstr Rýslan Jaqsylyqov pen áıeliniń fotossesııasyna qatysty túsinikteme bergen edi. Bul týraly tyń aqparatty Azattyq rýhy portaly zerttep bildi, dep habarlaıdy KYN.KZ aqparat agenttigi.

Rýslan Janǵulınniń aıtýynsha, Qazaqstanda kez kelgen adam fotosessııa jasaı alady. Áıeliniń kıimindegi kóp medal týraly aıta kele resmı ókili «mınıstrdiń zaıyby da áskerı qyzmetker. Ol uzaq jyldan beri Ulttyq ulannyń án men bı ansamblinde qyzmet etedi. Keýdesindegi medaldar mereıtoılyq medaldar» degen edi.

Bul taqyrypty qaza kele redakııa óte qyzyq aqparatqa tap boldy: qorǵanys mınıstriniń qazirgi áıeli osydan segiz jyl buryn jeke klıp túsirgen ánshi bolyp shyqty. Eń qyzyǵy jáne mańyzdysy – ol klıpine Ulttyq ulannyń áskerı tikushaǵyn, bálkim akter bolýy da múmkin, biraq, óte kóp sarbazdy, Ulttyq ulannyń iri-iri áskerı tehnıkasyn, onyń týyn paıdalanǵan.

Klıptiń sıýjeti boıynsha, qorǵanys mınıstriniń áıeline jas sarbazǵa ǵashyq bolady.

Endi resmı málimetterdi salystyrsaq: qazirgi qorǵanys mınıstri Rýslan Jaqsylyqov 2014 jyly sáýirde general-leıtenant ataǵyn alyp, Ulttyq ulannyń Bas qolbasshysy mindetine kirisedi.

Al, onyń qazirgi áıeliniń Ulttyq Ulannyń áskerı tehnıkasyn paıdalana otyryp túsirgen klıpi 2015 jyly 17 jeltoqsan kúni resmı jaryqqa shyǵady.