جاڭالىقتار
قورعانىس مينيسترلىگى اسكەردەن مۇگەدەك بولىپ ورالعان ساربازعا قاتىستى مالىمدەمە جاسادى
فوتو: اشىق دەرەككوز
قورعانىس مينيسترلىگى اسكەري قىزمەتشى ەربايان مۇحتاردىڭ جاراقات الۋ وقيعاسىنا بايلانىستى رەسمي حابارلاما جاريالادى, دەپ حابارلايدى qandastar.kz Skifnews.kz اقپارات پورتالى.
«مەرزىمدى قىزمەتتىڭ اسكەري قىزمەتشىسى ەربايان مۇحتاردىڭ جاراقات العانى تۋرالى باق پەن الەۋمەتتىك جەلىلەردە تاراتىلعان اقپاراتقا قاتىستى مىنانى تۇسىندىرەمىز.
قاتارداعى جاۋىنگەر ەربايان مۇحتار ىشكى ىستەر مينيسترلىگىنىڭ ۇلتتىق ۇلان بولىمشەسىندە مەرزىمدى اسكەري قىزمەت اتقاردى. مەرزىمدى قىزمەتتىڭ ساربازدارى ۇلتتىق قاۋىپسىزدىك كوميتەتىنىڭ شەكارا قىزمەتىندە, ىشكى ىستەر مينيسترلىگىنىڭ ۇلتتىق ۇلانىندا, مەملەكەتتىك كۇزەت قىزمەتىندە جانە توتەنشە جاعدايلار مينيسترلىگىندە قىزمەت وتكەرەتىنىن حابارلايمىز», – دەلىنگەن حابارلامادا.
ۆەدومستۆو مالىمەتىنشە قورعانىس مينيسترلىگى اتالعان كۇشتىك قۇرىلىمدارداعى اسكەري قىزمەتتىڭ قاۋىپسىزدىگىن باقىلاۋدى جۇزەگە اسىرمايدى.
«اسكەري قىزمەتشىلەردىڭ ءومىرى مەن دەنساۋلىعىن ساقتاۋ كومانديرلەر ءۇشىن باستى مىندەت بولىپ تابىلادى. ءبىز دە ەربايان مۇحتاردىڭ تۋىستارى مەن جاقىندارىمەن بىرگە ونىڭ دەنساۋلىعىنا الاڭدايمىز جانە قورعانىس مينيسترلىگىنىڭ ەمدەۋ مەكەمەلەرىندە مەديتسينالىق كومەك كورسەتۋگە دايىنبىز», – دەدى ۆەدومسۆتو وكىلدەرى.
