Qorǵanys mınıstrligi áskerge shaqyrý jasyndaǵy azamattarǵa qatysty málimdeme jasady

Foto: Zakon.kz,

Qorǵanys mınıstrliginiń baspasóz qyzmeti 2025 jyly 7 maýsymda áskerge shaqyrý jasyndaǵy azamattarǵa qatysty reıdter boıynsha málimdeme jasady, dep habarlaıdy  qandastar.kz  Zakon.kz-ke silteme jasap.

BAQ pen áleýmettik jelilerde áskerge shaqyrý jasyndaǵy azamattardy májbúrli túrde ustap, jergilikti áskerı basqarý organdaryna jetkizý týraly beınematerıaldardyń taralýyna baılanysty Qorǵanys mınıstrligi kelesini habarlaıdy:

«Qazaqstanda azamattardy merzimdi áskerı qyzmetke shaqyrý jyl saıyn zańnamaǵa sáıkes júrgiziledi. Alaıda shaqyrý naýqany barysynda keıbir azamattardyń áskerı qyzmetten jaltarýy nemese zań boıynsha kelý talabyn ýaqytyly oryndamaýy sııaqty qıyndyqtar týyndaıdy. Bul kóbine azamattardyń tirkeýde turǵan mekenjaıda turmaýy nemese jańa mekenjaıǵa tirkelmeýimen baılanysty».

Vedomstvo eger shaqyrý qaǵazyn azamatqa jeke tabystaý múmkin bolmasa, ony jetkizýdi ishki ister organdary júzege asyratynyn naqtylaıdy. Reıdter kezinde keıbir azamattar polıııa qyzmetkerleriniń zańdy talaptaryna baǵynbaı, qarsylyq kórsetedi, bul olardyń májbúrli túrde jetkizilýine sebep bolady.

«Shaqyrý pýnktterinde azamattardyń merzimdi áskerı qyzmetke shaqyrylý negizderi bar-joǵy anyqtalady. Eger negizder bolmasa – azamat úıine qaıtarylady. Al negiz bolǵan jaǵdaıda – medıınalyq tekserýden ótip, ári qaraıǵy shaqyrý sharalarynan ótedi». QR Qorǵanys mınıstrliginiń baspasóz qyzmeti

Merzimdi áskerı qyzmetten jaltarǵany úshin ákimshilik jáne qylmystyq jaýapkershilik qarastyrylǵany eskertiledi.

«Osyǵan baılanysty, azamattardy qoldanystaǵy zań talaptaryn saqtaýǵa jáne jalǵan aqparat taratýdan bas tartýǵa shaqyramyz», delingen resmı habarlamada.

2025 jyldyń 5 maýsymynda Senatta ótken brıfıngte QR Qarýly Kúshteri Bas shtabynyń bastyǵy – Qorǵanys mınıstriniń birinshi orynbasary Sultan Qamaletdınov jastardyń nelikten áskerge barýdan qorqatynyna qatysty óz oıymen bólisken bolatyn.