دەنساۋلىقجاڭالىقتار
قورعانىس مينيسترلىگى قازاق بولعان اسكەريلەر تۋرالى مالىمدەمە جاسادى
قورعانىس مينيسترلىگى قايتىس بولعان اسكەري قىزمەتكەرلەرى تۋرالى مالىمدەمە جاسادى, دەپ حابارلايدى qandastar.kz.
قورعانىس مينيسترلىگى ءباسپاسوز قىزمەتىنىڭ اقپاراتىنشا, قاتارداعى جاۋىنگەر ەربايان مۇحتاروۆقا قاتىستى جاعداي مەن قاتارداعى جاۋىنگەر الماس شاحيموۆتىڭ ولىمىنە قاتىستى فاكتىلەر ۇلتتىق گۆارديادا بولعان جانە ونىڭ قارۋلى كۇشتەرگە قاتىسى جوق.
«2024 جىلدىڭ 13 مامىرىندا سارىوزەك اۋىلىنداعى مەرزىمدى اسكەري قىزمەتكەر, قاتارداعى جاۋىنگەر دوسىمجان ءسالىمجاننىڭ ولىمىنە قاتىستى قىلمىستىق ءىس قوزعالدى», – دەپ حابارلادى قورعانىس مينيسترلىگى.
قازىرگى ۋاقىتتا مينيسترلىك قازا بولعان ساربازداردىڭ اتا-اناسىنا جان-جاقتى قولداۋ ءبىلدىرىپ, وتەماقى تولەۋ تۇرىندە كومەك بەرىلىپ جاتقانىن ايتتى.
«اسكەري قىلمىستاردى تەرگەپ-تەكسەرۋ بارىسى باس پروكۋراتۋرا مەن ىشكى ىستەر مينيسترلىگىنىڭ ءتيىستى بولىمشەلەرىنىڭ باقىلاۋىندا. قارۋلى كۇشتەردىڭ باسشىلىعى مەن اسكەري بولىمدەردىڭ قولباسشىلىعى ءىس-شارادا اشىقتىق پەن وبەكتيۆتىلىك قاعيداتتارىن ۇستانادى», – دەپ حابارلادى مينيسترلىك.
