الەۋمەت جانە قوعام

قورعانىس مينيسترلىگى قازاقستاندىقتارعا ۇندەۋ جاسادى

فوتو:اشىق دەرەككوز
قر قورعانىس مينيسترلىگى بۇگىن, 2025 جىلعى 12 ناۋرىزدا رەسپۋبليكا ازاماتتارىنا رەسمي ۇندەۋ جاسادى, دەپ حابارلايدى qandastar.kz

قورعانىس مينيسترلىگىنىڭ رەسمي وكىلى رۋسلان جانگۋليننىڭ ايتۋىنشا, ۇلى وتان سوعىسىنداعى جەڭىستىڭ 80 جىلدىعىنا ارنالعان استانا قالاسىندا وتەتىن اسكەري پارادقا دايىندىق شارالارىنا بايلانىستى 13 ناۋرىزدان باستاپ جەكە قۇرامدى تاسىمالداۋ جانە اسكەري تەحنيكانىڭ تەمىرجول كولىگىمەن دە, ءوز جۇرىسىمەن قوزعالىسى باستالادى دەپ جوسپارلانىپ وتىر.

سونداي-اق 2025 جىلعى 22 ءساۋىر مەن 7 مامىر ارالىعىندا اسكەري اۆياتسيانىڭ جاتتىعۋ ۇشۋلارىن جۇرگىزۋ ءۇشىن استانادا اۋە كەڭىستىگىن پايدالانۋعا قىسقا مەرزىمدى شەكتەۋلەر قويىلادى.

«وسىعان بايلانىستى اۋە رەيستەرىنىڭ كەستەسىنە دە وزگەرىستەر ەنگىزىلۋى مۇمكىن. ءبىز ازاماتتارعا رەيستەر تۋرالى اقپاراتتى الدىن الا ناقتىلاۋدى ۇسىنامىز. ەنگىزىلگەن شەكتەۋلەرگە تۇسىنىستىكپەن قاراۋدى, جالعان اقپارات تاراتپاي, تەك رەسمي دەرەككوزدەرگە جۇگىنۋدى سۇرايمىز», — دەدى ۆەدومستۆونىڭ رەسمي وكىلى.

ىلمەكتەر

وسى ايداردا

دوباۆيت كوممەنتاري

Close