جاڭالىقتار
قورعانىس مينيسترلىگى مالىمدەمە جاسادى
فوتو:
جاڭا جاۋىنگەرلىك وقۋ كەزەڭىنىڭ باستالۋىنا بايلانىستى بارلىق اسكەري باسقارۋ ورگاندارى, قارۋلى كۇشتەردىڭ اسكەري بولىمدەرى مەن مەكەمەلەرى جوعارى جاۋىنگەرلىك ازىرلىك دەڭگەيىنە كەلتىرىلەتىن بولادى, دەپ جازدى qandastar.kz.
بۇل تۋرالى ۆەدومستۆونىڭ 2024 جىلعى 30 قاراشاداعى مالىمدەمەسىندە ايتىلادى.
«جەلتوقسان ايىنىڭ باسىندا ارميا بولىمشەلەرى پوليگوندار مەن وقۋ-جاتتىعۋ ورتالىقتارىنا مارش جاساۋ ءۇشىن دابىل بويىنشا كوتەرىلەدى. جەكە قۇرام مەن اسكەري تەحنيكانى كەشەندى تاكتيكالىق-ساپتىق ساباقتار مەن جاتتىعۋلار وتەتىن ورىنعا جونەلتۋ جۇزەگە اسىرىلاتىن بولادى», دەلىنگەن مينيسترلىك حابارلاماسىندا.
قاۋىپسىزدىك ماقساتىندا وڭىرلەردەگى جولداردىڭ جەكەلەگەن ۋچاسكەلەرىندە جول قوزعالىسى ۋاقىتشا شەكتەلۋى مۇمكىن ەكەنى ەسكەرتىلەدى.
وسىعان بايلانىستى ازاماتتاردان جانە باق وكىلدەرىنەن جالعان حابارلامالار تاراتپاۋدى جانە رەسمي اقپارات كوزدەرىنە عانا سەنۋ سۇرالادى.
