Qorǵanys mınıstrligi málimdeme jasady

Foto:

Jańa jaýyngerlik oqý kezeńiniń bastalýyna baılanysty barlyq áskerı basqarý organdary, Qarýly kúshterdiń áskerı bólimderi men mekemeleri joǵary jaýyngerlik ázirlik deńgeıine keltiriletin bolady, dep jazdy qandastar.kz.

Bul týraly vedomstvonyń 2024 jylǵy 30 qarashadaǵy málimdemesinde aıtylady.

«Jeltoqsan aıynyń basynda armııa bólimsheleri polıgondar men oqý-jattyǵý ortalyqtaryna marsh jasaý úshin dabyl boıynsha kóteriledi. Jeke quram men áskerı tehnıkany keshendi taktıkalyq-saptyq sabaqtar men jattyǵýlar ótetin orynǵa jóneltý júzege asyrylatyn bolady», delingen mınıstrlik habarlamasynda.

Qaýipsizdik maqsatynda óńirlerdegi joldardyń jekelegen ýchaskelerinde jol qozǵalysy ýaqytsha shektelýi múmkin ekeni eskertiledi.

Osyǵan baılanysty azamattardan jáne BAQ ókilderinen jalǵan habarlamalar taratpaýdy jáne resmı aqparat kózderine ǵana sený suralady.