Qorǵanys mınıstrligi medkomıssııanyń nelikten aýrýy bar sarbazdardy áskerge jaramdy dep tanıtynyn túsindirdi

Foto: ashyq derekkóz

Qorǵanys mınıstrligi Qazaqstanda densaýlyǵynda kináraty bar jigitterdiń nelikten áskerde júrgenine jaýap berdi. Aıtýynsha, shaqyrtý alǵan azamattar óz aýrýlary týraly bilmeıdi nemese medıınalyq komıssııadan ótý kezinde ádeıi jasyrady. Bul týraly qandastar.kz Stan.kz aqparat agenttigine silteme jasap habarlaıdy.

Jaqynda senator Amangeldi Nuǵmanov áskerge shaqyrylýshylardyń medıınalyq tekserý júıesin synǵa aldy. Aıtýynsha, dárigerlerge sapaly dıagnoz qoıýǵa ýaqyt jetispeıdi. Sondyqtan «densaýlyǵy jaramsyz» sarbazdar áskerge ketip jatyr.

«Merzimdi qyzmettegi sarbazdarda aýrýdyń bolý faktileri bar. Keıde áskerge shaqyrylýshylar medıınalyq komıssııadan ótken kezde ózderiniń aýrýlary týraly bilmeıdi nemese jasyrady. Mundaı aýrýlar olardyń áskerı qyzmetke beıimdelý kezeńinde, fızıkalyq jáne psıhologııalyq júktemeler kúsheıgen jaǵdaıda kórinedi», – dep túsindirdi Qorǵanys mınıstrligi depýtatqa.

Vedomstvo Qazaqstandaǵy áskerge shaqyrylýshylar zań boıynsha eki kezeńdik medıınalyq tekserýden ótetinin eske saldy.

«Birinshi kezeń – shaqyrý komıssııasynyń qorytyndysyn shyǵara otyryp, qorǵanys isteri jónindegi basqarmalar janyndaǵy Aýdandyq deńgeıde medıınalyq kýálandyrý. Osy kezeńde ambýlatorııalyq jáne staıonarlyq tekserýlerdi júrgizý úshin ýaqyt shekteýleri belgilenbegen. Ekinshi kezeń – qorǵanys isteri jónindegi departamentterdiń qurama pýnktterindegi medıınalyq tekserý. Bul aýdan deńgeıinde múmkin bolatyn kemshilikterdi anyqtaý úshin qajet», – dep habarlady Qorǵanys mınıstrligi.

Mınıstrlik sonymen qatar, áskerge kelerde ádette sarbazdardan tekseris kezinde araý anyqtalmaıtynyn aıtty. Al aýrý anyqtalsa sarbaz qosymsha tekserý úshin aýdanǵa qaıtarylady eken.

Senat sonymen qatar áskerı komıssarıattardaǵy medıınalyq komıssııalarǵa emes, emhanalardaǵy ýchaskelik dárigerlerge áskerge «jaramdy» nemese «jaramsyz» mártebesin berýdi usyndy. Qorǵanys mınıstrligi bul ıdeıany qoldaýǵa daıyn.

«Densaýlyq saqtaý mınıstrliginiń quzyretine azamattardy medıınalyq kýálandyrý máselelerin, onyń ishinde tirkeý boıynsha ýchaskelik emhanalarda medıınalyq komıssııalardy ótkizý máselelerin zańnamalyq retteý quqyǵyn berýge qarsy emespiz», – dep atap ótti vedomstvoda.